Бухгалтерлар учун батафсил тушунтиришлар:
Президентнинг 17.07.2025 йилдаги 225-сонли янги қарори билан Мўғулистондан майда шохли моллар импортини қўллаб-қувватлаш чоралари тасдиқланди. Тафсилотлар - шарҳимизда:
Қонун ҳужжатлари янгиликларини ўтказиб юбормаслик учун бизнинг Телеграм-каналимизга обуна бўлинг.
Давлат томонидан қўллаб-қувватлаш чоралари 2025 йил 1 августдан 2027 йил 31 декабргача амал қилади. Уларга қуйидагилар киради:
- транспорт харажатларини қисман қоплаш. Мўғулистондан майда шохли молларни келтиришда авиаташув харажатларининг 50 фоизи давлат томонидан қоплаб берилади;
- ҚҚС бўйича кечиктириш. Импорт қилинганда ҚҚСни тўлов таъминланмаган ва фоизлар ҳисобланмаган ҳолда кечиктириб тўлаш имконияти берилади;
- имтиёзли кредитлаш. Тадбиркорлик субъектларига халқаро молия институтларининг кредит маблағларини 5 йил муддатга, шу жумладан 2 йиллик имтиёзли давр билан ажратиш назарда тутилмоқда. Кредит бўйича фоиз ставкаси йиллик 10 фоизни ташкил этади.
Тадбиркорлик субъектларига ажратиладиган кредит маблағлари учун мулкий гаров таъминоти суғурта механизмидан фойдаланган ҳолда кредит суммасининг кўпи билан 50 фоизини ташкил этиши мумкин.
