Ўзбекистондаги иқтисодий олий ўқув юртлари битирувчилари АССА ва ACFP дипломи учун қандай имтиҳон топширишлари керак

АCCА ва АCFR «Молия ва бизнесни бошқариш» қўшма дипломига 7 та имтиҳон киради. ACFP директори Мўмин АШУРОВ молия-иқтисодиёт мутахассисликлари бўйича бакалавр ёки магистр дипломлари эгалари улардан қайсиларини топширишлари кераклигини тушунтирди:

 

– Молия-иқтисод мутахассисликлари бўйича Ўзбекистон бакалавр ёки магистр дипломлари эгалари АCCА ва ACFP «Молия ва бизнесни бошқариш» (Advanced Diploma in Finance and Business in Russian - ADFBR) қўшма дипломини олиш учун JES қўшма имтиҳон схемаси бўйича имтиҳон топширишлари керак. Ушбу диплом сизга Европа университетларининг молия-иқтисодиёт соҳасидаги бакалавр даражасига тенг билим ва кўникмаларни, шунингдек, имтиҳонларсиз аудитор бўлиш ҳуқуқини беради.

JES доирасида номзодлар қуйидаги имтиҳонларни топширадилар:

• молиявий фанлар бўйича – АCCАда;
• Ўзбекистон солиқ ва ҳуқуқи бўйича – ACFPга.

№	Имтиҳон	Ким қабул қилади	Имтиҳон тили
1.	Молия ва бизнес бошқаруви ҳақида тушунча*	АССА	Русча
2.	Бизнес самарадорлигини бошқариш	АССА	Русча
3.	Молиявий бошқарув	АССА	Русча
4.	Молиявий ҳисобот	АССА	Русча
5.	Аудит ва тегишли хизматлар	АССА	Русча
6.	Солиқ солиш (Ўзбекистон) - C.ТХ Солиқ солишнинг ўзига хос жиҳатлари	ACFP	Русча ёки ўзбекча
7.	Корпоратив ҳуқуқ (Ўзбекистон) - C.LW Бизнесни бошқаришни ҳуқуқий тартибга солиш	ACFP	Русча ёки ўзбекча

* Мазкур имтиҳонни молия-иқтисод фанлари бўйича олий маълумотга эга бўлмаган номзодлар топширади.

Имтиҳонлардан озод қилиш

Бакалавр ёки магистр дипломи эгалари имтиҳонлардан озод бўлишга даъво қилиш ҳуқуқига эга. Мавжуд имтиёзлар ҳақида билиш учун https://www.accaglobal.com/gb/en/help/exemptions-calculator.html саҳифасига киринг, мамлакатни танланг – Uzbekistan, ўз университетингиз ва мутахассислигингизни топинг. Тизим мавжуд имтиҳоналардан озод қилиниш шартларини кўрсатади.

 

Агар АССАда синовдан ўтган олий таълим муассасаси битирувчиси ДипИФР дипломига эга бўлса, у «Молиявий ҳисобот» (FR) фанидан бепул имтиҳон топшириш ҳуқуқига эга бўлади. У АССАда молиявий фанлардан бирини танлаган ҳолда фақат битта имтиҳон топшириши мумкин бўлади.

Мисол: ОТМ битирувчиси қуйидаги фанлар бўйича АССА синовларидан ўтди:

1) «Молиявий ҳисобот» (FR),

2) «Бошқарув ҳисоби» (PM),

3) «Молиявий менежмент» (FM),

4) «Аудит ва таъминот» (АА),

5) «Солиққа тортиш.»

Бинобарин, у АССАда молиявий фанлар бўйича иккита танлов имтиҳонини ва ACFPда C.ЛW «Бизнесни бошқаришни ҳуқуқий тартибга солиш» имтиҳонини топшириш керак бўлади.

ДипИФР дипломига эга бўлса, у АССАда молиявий интизом бўйича фақат битта имтиҳон топшириши керак бўлади. ДипИФР дипломи C.LW имтиҳонидан озод бўлиш ҳуқуқини бермайди, уни топшириш керак бўлади. 

Ҳисобга олиш қиймати

Агар сиз синовдан ўтишда имтиҳондан озод бўлиш ҳуқуқини олган бўлсангиз, ҳар бир озод қилиш учун 30 фунт стерлинг (ф.ст.) тўлашингиз керак бўлади. Солиқлар ва ҳуқуқ бўйича имтиҳонларни ACFPда топширишда озод қилиш учун пул тўлаш шарт эмас.

Рўйхатдан ўтиш тартиби ва нархи

Диплом имтиҳонларини топшириш учун сиз – ҳар қандай биринчи имтиҳонгача аввал АССАда талаба сифатида, кейин ACFPда аъзоликка номзод сифатида – солиқ ёки ҳуқуқ имтиҳонидан олдин рўйхатдан ўтишингиз керак.

Агар сиз АССАда олдиндан рўйхатдан ўтмасдан туриб, биринчи навбатда ACFPда солиқ ёки ҳуқуқ бўйича имтиҳон топширсангиз, у ҳолда имтиҳондан озод бўлиш учун пул тўлашингиз керак бўлади.

АССАда рўйхатдан ўтишда кириш бадалини 45 фунт-стерлинг ва иккинчи йилдан бошлаб йилига 58 фунт-стерлинг тўлаш керак бўлади. ACFPда иштирок этиш нархи йилига БҲМнинг 2 бараварини (824 минг сўм) ташкил этади.