2026 йил 1 январдан бошлаб қатъий белгиланган суммадаги АОСдан ставкалар бўйича АОСга қандай ўтиш мумкин

Йил якунланиши билан тўлаш тартиби ўз кучини йўқотадиган қатъий белгиланган суммадаги айланмадан олинадиган солиқни тўловчилар ўзларига савол беришмоқда – улар солиқни 1 январдан бошлаб ставкалар бўйича тўлашга қандай ўтишлари мумкин? Билдиришнома бериш керакми? Қандай қилиб, қаерда ва қайси муддатларда?

Расмий изоҳ берилмагани учун бу саволни солиқ маслаҳатчиси Гулнора ЭРГАШЕВАдан сўрадик (эслатма: бу маълумотни Солиқ қўмитаси тасдиқлади):

– Қатъий белгиланган суммада айланмадан олинадиган солиқни тўлаш тартиби 2026 йил 1 январдан ўз кучини йўқотади . Хабарнома юбориш тартиби кўрсатилган СКнинг 470-1-моддаси 2025 йил 1 январдан бошлаб СКдан чиқариб ташланди.

My3.soliq.uz даги шахсий кабинетда «Қатъий белгиланган суммадаги солиқдан ставкалар бўйича солиқ тўлашга ўтиш учун ариза топшириш» тугмаларини кўрмаяпман.

Кўриниб турибдики, бундай хабарнома бериш зарурати назарда тутилмаган.

Хулоса қилиш мумкин: қатъий белгиланган суммада солиқ тўлаган корхоналар 1 январдан бошлаб автоматик равишда белгиланган ставкалар бўйича солиқ тўлашга ўтади .

Buxgalter.uz тавсия қилади

 

• Айланмадан олинадиган солиқ суммаси қандай ҳисобланади;
• Айланмадан олинадиган солиқ ҳисоб-китоби қандай тақдим этилади;
• Айланмадан олинадиган солиқ тўловчиларга қандай имтиёзлар назарда тутилган.

Юлия ТАРШИЛОВА тайёрлади