Сизга апрель ойида қуйидагилар керак бўлиши мумкин:
Маъмурчиликни мақбуллаштириш учун ДСҚ СОРЖга тўлов учун илгариги счётларни ёпди ва янги счётларни (99 ва 199-кодлари) яратди. Buxgalter.uz тафсилотларни аниқлаштирди:
Банк-мижоз тизими билан ишлайдиган солиқ тўловчиларга ДСҚ - хатоларни олдини олиш учун жадвал шаклида янги счётларни тақдим этди.
My.soliq.uz да солиқ тўловчининг шахсий кабинети орқали тўловларни амалга оширадиганлар учун тўлов топшириқномасининг шаклини тўлдириш жараёни ўзгармади ва илгаригидек учта босқичдан иборат:
1) фильтрда “Солиқ турларини янгилаш” тугмасини танланг;
2) фильтрда у бўйича тўловни амалга ошириш зарур бўлган солиқ турини кўрсатинг;
3) шаклнинг қуйидаги майлонларини тўлдиринг: “Тўлов тури”, “Тўлов топшириқномаси № ва санаси”, “Сумма ёзув билан”
Юқорида кўрсатилганлардан ташқари барча бошқа майдонлар автоматик тарзда тўлдирилади. Уларда, илгаригидек, хатоларни олдини олиш учун ҳеч нарсага тегиш зарур эмас.
Саида ЖОНИЗОҚОВА тайёрлади
