МҲХСга ўтиш санасида айланмада бўлмаган активларни баҳолаш ва тан олиш

Тавсияда:

– МҲХСга ўтиш санасида қолдиқларга тузатиш киритилишини расмийлаштириш;
– ретроспектив ёндашувни қўллаш;
– айланмада бўлмаган активлар учун қолдиқларни ретроспектив қайта кўриб чиқишдан чиқариб ташлаш;
– солиштирилаётган даврда айланмаларга тузатиш киритиш.

МҲХСга ўтиш санасида қолдиқларга тузатиш киритилиши қандай расмийлаштирилади  

МҲХСга ўтиш санасида молиявий ҳисоботнинг барча моддалари бўйича кирувчи қолдиқларни аниқланг. Барча тузатишларни иккиёқлама ёзув тизимини (Дебет – Кредит) қўллаган ҳолда амалга оширинг.

МҲХСга ўтиш санасида БҲМС ва МҲХС ўртасидаги фарқлар туфайли юзага келадиган исталган тузатиш тақсимланмаган фойдага (ёки бу ўринли бўлса, хусусий капиталнинг бошқа тоифасига) тузатиш киритиш
ҳисобланади .

Ҳисоботга тузатиш киритишни бошлашдан аввал МҲХС бўйича ишчи счётлар режасини ўйланг.

Булар 21-сон БҲМСда келтирилган счётлардан тубдан фарқ қилувчи счётлар бўлиши мумкин. Счётларнинг кодлаштирилиши муайян маънони англатиши мумкин. Масалан, бир белги активни билдиради, иккинчи белги узоқ...