Фойда солиғи бўйича ортиқча тўловни нима қилиш мумкин

Тавсияда:

– фойда солиғи бўйича ортиқча тўловлар кимда пайдо бўлиши мумкин;
– ортиқча тўлов келгуси тўловлар ҳисобига қандай ўтказилади;
– фойда солиғи бўйича ортиқча тўловни қандай қайтариш мумкин

Қандай корхоналарда фойда солиғи бўйича ортиқча тўлов юзага келиши мумкин

1. Бўнак тўловларини амалга оширмайдиган корхоналарда ортиқча тўлов пайдо бўлиши мумкин. Уларга қуйидаги солиқ тўловчилар киради:

• жами даромади олдинги солиқ даври учун киритилган тузатишлар ҳисобга олинган ҳолда 5 млрд сўмдан ошмайдиган;
• 5 млрд сўмлик ҳажмга етмаган янгидан ташкил этилган корхоналар.

Масалан, корхона II чоракда харажатларни амалга оширди, аммо етарлича даромадга эга бўлмади. Натижада II чоракда I чорак якунлари бўйича тан олинган фойдани камайтирувчи зарар шаклланди. Умумий ҳисобда  I ярим йиллик якунлари бўйича солиқ солинадиган фойда I чоракдагидан камроқ. Шунга мос равишда солиқ ҳам камаяди