Асосий воситаларнинг келиб тушишини қандайни ҳисобга олиш керак

Тавсияда:

– корхонада АВлар келиб тушиши ҳолатлари:
– АВ бошланғич қиймати ҳисоб-китоби;
– АВ қиймати ўзгариши;
– АВ келиб тушиши ҳисоби.

Қандай ҳолларда асосий воситалар келиб тушиши мумкин

Асосий воситалар (АВ) корхонага қуйидагилар натижасида келиб тушиши мумкин:

• барпо этилган объект қурилиши якунлангандан сўнг қабул қилиш-топшириш;
• олди-сотди шартномаси бўйича сотиб олиш;
• таъсисчиларнинг устав фондига ҳиссаси;
• текин келиб тушганда;
• алмаштириш;
• товар-моддий захиралар таркибидан ўтказилганда;
• молиявий ижара (лизинг) шартномаси бўйича олинганда;
• АВларга қиймати аниқланган капитал қўйилмалар;
• ортиқча (ҳисобга олинмаган) АВлар аниқланганда;
• корхонанинг таъсисчилар таркибидан чиқаётганда АВ олинганда ёки тугатилаётган корхонанинг мулкларини таъсисчилар ўртасида тақсимланганда;
• АВ объектларига мулк, хўжалик бошқаруви ёки оператив бошқарув ҳуқуқини олишга олиб келган бошқа операциялар ва ҳодисалар.

Асосий воситанинг бошланғич қиймати қандай ҳисоб-китоб қилинади

Асосий воситаларни ҳисобга қуйидаги формула бўйича ҳисоб китоб қилинадиган бошланғич қиймати бўйича қабул қилинг :

АВ бошланғич қиймати = Сотиб олиш қиймати (етказиб берувчиларга тўланган суммалар) + АВ сотиб олиш билан боғлиқ барча харажатлар.

АВни сотиб олиш билан боғлиқ бўлган харажатларга қуйидагиларни киритинг:

• рўйхатга олиш йиғимлари, давлат божлари ва АВларга бўлган ҳуқуқни харид қилиш (олиш) бўйича амалга оширилган бошқа шунга ўхшаш тўловлар;
• божхона божлари ва йиғимлари;
• АВлар объектларини сотиб олиш (барпо этиш) муносабати билан қопланмайдиган солиқлар, тўловлар ва йиғимлар суммалари. Қопланмайдиган солиқларга мисол бўлиб, ҚҚС тўловчиси бўлмаган шахс томонидан сотиб олинган АВлар қийматида ҳисобга олинадиган ҚҚС ҳисобланади;
• АВлар объектларини сотиб олиш (барпо этиш) билан боғлиқ ахборот ва...