Иш ҳақи қандай тўланиши керак

Тавсияда:

– иш ҳақини қандай пул бирлигида тўлаш керак;
– иш ҳақини тўлаш муддатлари;
– аванс қандай тўланади;
– иш ҳақини тўлаш кунлари қандай белгиланади;
– тўловнинг қандай шакллари мавжуд;
– иш ҳақи пул билан ва натура ҳолида қандай берилади;
– иш ҳақи қандай қилиб пластик карталарга ўтказилиши керак;
– берилмаган иш ҳақи қандай қилиб депонентга ўтказилади;
– ҳисоб-китоб варақасини қандай тузиш керак.

Иш ҳақини қандай пул бирлигида тўлаш керак

Иш ҳақини чет эл валютасида тўлаш Ўзбекистон ҳудудида рухсат берилган ҳисоб-китоблар рўйхатига кирмайди  . Шу сабабли иш ҳақини миллий валюта – сўмда тўланг, қонун ҳужжатларида йўл қўйилган ҳоллар бундан мустасно.

Иш ҳақи чет эл валютасида қуйидагиларга тўланиши мумкин:

• «LG CNS Uzbekistan» ҚКга ишга жалб этилган хорижий жисмоний шахсларга, тузилган шартномалар доирасида ;

• Ислом Каримов номидаги Тошкент давлат техника университети ҳузуридаги Ўзбекистон-Япония ёшлар инновация марказининг чет эллик ходимларига .