Ҳисобварақда маблағ етишмаганда тўловлар қандай амалга оширилади

Тавсияда:

– маблағ етишмаганда солиқлар тўлови;
– кечиктириб бўлмайдиган эҳтиёжлар учун тўлов қандай тўланади;
– қарздорликлар қандай кетма-кетликда сўндирилади.

Маблағ етишмаганда солиқлар қандай тўланади  

Агар  шартномада бошқа ҳол назарда тутилмаган бўлса, хизмат кўрсатувчи банк сиздан ҳисобварағда маблағлар бўлган тақдирдагина тўлов топшириқномасини қабул қилади . Солиқ ва йиғимларни тўлаш бўйича тўловлар бундан мустасно.  Банк уларни ҳисобварағда маблағ бўлиши ёки бўлмаслигидан қатъи назар,  ижро учун қабул қилади . Шунинг учун солиқ ва йиғимлар бўйича тўлов топшириқномасини хизмат кўрсатувчи банкка  банк ҳисобварағингизда пул маблағлари бор-йўқлигидан қатъи назар, белгиланган тўлов муддатидан кечиктирмасдан тақдим этинг  . Акс ҳолда  раҳбар ва бош бухгалтер жарима қўллаган ҳолда маъмурий жавобгарликка тортилиши мумкин .