Фойда солиғини ким тўлайди

Тавсияда:

– фойда солиғи тўловчилари;
– танлаш ҳуқуқисиз фойда солиғини тўлаш;
– корхонада танлаш имконияти мавжуд бўлса;
– нотижорат ташкилотларда фойда солиғи;
– қишлоқ хўжалиги маҳсулотлари ишлаб чиқарувчиларида фойда солиғи;
– норезидентларда фойда солиғи;
– тўлов манбаида олинадиган фойда солиғи.

Фойда солиғи тўловчилари

Фойда солиғини қуйидагилар тўлайди:

• муайян шартларга жавоб берадиган, Ўзбекистон солиқ резидентлари – корхоналар;
• норезидентлар – Ўзбекистон ҳудудида даромадлар олганда;
• муайян шартларга жавоб берадиган – якка тартибдаги тадбиркорлар;
• агент вазифаларини амалга оширувчи жисмоний шахслар.

Қандай шароитларда Ўзбекистон резиденти – корхона фойда солиғини тўлаши керак

Ўзбекистон солиқ резиденти бўлган хўжалик юритувчи субъектда фойда солиғини тўлаш мажбурияти юзага келади, қачонки:

а) унинг жами даромади 1 млрд. сўмдан ошса. Даромад йил бошидан ўсиб борувчи якуни бўйича аниқланади. Агар1 млрд. сўмлик чегарадан ошиб кетса, унда хўжалик субъекти кейинги ойдан фойда солиғи тўловчисига айланади .

б) жами даромад ҳажмидан қатъий назар у :

• товарларни импорт қилса;
• акцизости товар (хизмат)ларни ишлаб чиқарса   ;
• фойдали қазилмаларни қазиб олса;
• 50 га ва ундан ортиқ суғориладиган ер майдони мавжуд бўлган қишлоқ хўжалиги товарлари ишлаб чиқарувчиси бўлса;
• бензин, дизель ёқилғиси ва газни реализация қилса;
• лотореялар ташикл қилса;
• оддий ширкат шартномаси доирасидаги фаолият бўйича ишончли шахс бўлса;
• қурилиши тугалланмаган объектлар ва фойдаланилмаётган ишлаб чиқариш майдонларининг мулкдори бўлса ва улардан самарасиз фойдаланилаётганлиги бўйича хулоса...