Бухгалтер воситачилик тўғрисида нималарни билиши зарур

Тавсияда:

– воситачилик нима, унинг турлари ва умумий хусусиятлари;
– воситачилик ва топшириқ шартномалари ўртасидаги фарқ нимадан иборат.

Воситачилик нима, унинг турлари ва умумий хусусиятлари

Агар сиз учинчи шахсларни жалб қилган ҳолда унинг топшириғи бўйича ва унинг манфаатлари йўлида ҳаракат қилсангиз, буюртмачига воситачилик хизматларини кўрсатган бўласиз.

Масалан, сизнинг корхонангиз:

• буюртмачининг тайёр маҳсулоти ёки товарларини бошқа шахсларга сотадиган бўлса;
• буюртмачи учун учинчи шахслардан товарларни харид қилса;
• сайёҳлик агенти, транспорт экспедитори, авиачипталарни сотиш бўйича вакил, дилер ёки бошқа компанияларнинг дистрибьютори ҳисобланса.

Ушбу рўйхат тугал ҳисобланмайди, воситачиликнинг бошқа ҳолатлари ҳам бўлиши мумкин.