2023 йилда Ўзбекистонда солиқлар ва йиғимлар: турлари, ставкалари, ҳисоботларни тақдим этиш ва солиқларни тўлаш муддатлари

Фойда солиғи

Ставка

Солиқ ва ҳисобот даврлари

Ҳисоботни тақдим этиш муддатлари

Тўлов муддатлари

СТАВКА – 0%

– Ўзи ишлаб чиқарган ўз қишлоқ хўжалиги маҳсулотини реализация қилишдан олинган фойда бўйича СКнинг 57-моддасида назарда тутилган мезонларга жавоб берувчи қишлоқ хўжалиги товар ишлаб чиқарувчилари ва балиқ хўжалиги корхоналари. Ўзи ишлаб чиқарган қишлоқ хўжалиги маҳсулотини реализация қилишдан олинган даромадлари жами даромаднинг 90 %дан кўпроғини ташкил этса – фаолиятнинг барча турлари бўйича ;

– СКнинг 59-моддасида назарда тутилган мезонларга жавоб берувчи ижтимоий соҳада фаолиятни амалга оширадиган ташкилотлар ;

– Қўшимча манбалардан даромадлар олувчи бюджет ташкилотлари 2023 йил 1 январга қадар. Бўшатилаётган маблағлардан қонунчиликда белгиланган тартибда моддий-техника ва ижтимоий базасини мустаҳкамлаш, ўз ходимларини моддий рағбатлантириш учун мақсадли тарзда фойдаланилган тақдирда ;

– товарларни (ишларни) экспортга реализация қилишдан олинган фойда . Қуйидаги шартларга риоя этилганда:

а) товарларни (хизматларни) экспорт қилишдан олинадиган даромадлар жами даромаднинг камида 15 %ини ташкил этганда;

б) товарларни экспорт қилиш, шу жумладан воситачи (ишончли вакил) томонидан реализация қилинган тақдирда, СКнинг 261-моддасида назарда тутилган ҳужжатлар билан тасдиқланганда;

в) товарларни (хизматларни) чет эл валютасида экспорт қилиш юзасидан даромадлар товарлар (хизматлар) экспортга чиқарилган кундан эътиборан 180 календарь куни ичида келиб тушганда;

г) рўйхат бўйича хом ашё товарлар экспортига, халқаро ташишлар хизматларига (бундан автотранспортда ташишлар мустасно) ҳамда товарларни қувурлар орқали ва газ қувурлари орқали ташиш бўйича хизматларга нисбатан татбиқ этилмайди;

– қуйидаги ташкилотларда:

а) умумий ходимлар сонида ногиронлиги бўлган шахслар камида 50 %ни ташкил этадиган ташкилотларда;

б) ногиронлиги бўлган шахсларнинг МҲТФ меҳнатга ҳақ тўлаш умумий фондининг камида 50 %ини ташкил этадиган ташкилотларда ;

– Халқ банки томонидан ШЖБПҲлардаги маблағлардан фойдаланишдан олинадиган даромадлар .

Солиқ даври – календарь йил