Захираларнинг соф эҳтимолий сотиш нархи қандай аниқланади
Тавсияда:
– захираларни қайта баҳолаш қандай ўтказилади;
– соф эҳтимолий сотиш нархи нима;
– соф эҳтимолий сотиш нархини қандай аниқлаш керак;
– захираларнинг соф эҳтимолий сотиш нархини ҳисоб-китоб қилишда уларнинг ишлатилиш мақсади қандай ҳисобга олинади;
– маҳсулот нархи материаллар қийматига қандай таъсир кўрсатади;
– захираларнинг чиқиб кетиши қандай ҳисобга олинади
Захираларни қайта баҳолаш қандай ўтказилади
Айрим ҳолатларда сиз қуйидаги сабаблар туфайли захираларни таннархидан паст нархда сотишга мажбур бўласиз:
- захираларга механик шикаст етказилиши;
- захираларнинг тўлиқ ёки қисман маънавий эскириши;
- сотиш нархининг тушиб кетиши;
- ишлаб чиқаришни якунлаш бўйича ҳисобланган харажатлар ёки сотиш бўйича ҳисобланган харажатларнинг ошиб кетиши.
Бундай ҳолларда захиралар соф эҳтимолий сотиш нархигача арзонлаштирилиши лозим .
Захиралар иккита миқдордан: таннархи ёки соф эҳтимолий сотиш нархидан камроғи бўйича молиявий ҳисобот тузиладиган санада баҳоланади .
Захираларни, агар бу мақсадга мувофиқ бўлса, объектлар бўйича ёки гуруҳларнинг (моддаларнинг) ҳар бири бўйича баҳоланг.
Бир хилдаги ёки бир-бирига боғлиқ бўлган захиралар бирликларини қуйидаги ҳолатларда гуруҳлаш мумкин:
- айнан битта товар ассортиментига киритилганда;
- ишлатилиш мақсади ёки пировард фойдаланилиши бир хил...