Қачон сизга сайёр текширувни тайинлашлари мумкин

Тавсияда:

– сайёр текширувга нима туртки бериши мумкин;
– «Солиқ хавфини аниқлаш, таҳлил қилиш ва баҳолаш» дастури билан солиққа оид ҳуқуқбузарликларни содир этиш хавфини аниқлаш;
– ҳуқуқбузарликлар ҳолатлари тўғрисида жисмоний ёки юридик шахсларнинг мурожаати;
– ОАВда солиққа оид ҳуқуқбузарликлар тўғрисидаги маълумотларнинг эълон қилиниши;
– камерал текширув доирасида аниқланган хатоларни корхона ҳудудига чиқиб ўрганиш зарурати;
– валюта операцияларининг ҳақиқийлигини мониторинг қилишда солиқ органи томонидан юборилган сўровга маълумотларни тақдим этилмаганлиги;
– сайёр текширувни ким ва қандай тайинлайди.

Сайёр текширув – камерал текширувдан фарқли ўлароқ, сизнинг корхонангиз жойлашган жойда ўтказиладиган солиқ назоратининг турларидан бири . Унинг доирасида солиқ тўловчининг фақат даъво муддати билан чекланган давр учун солиқлар ва йиғимларни ҳисоблаб чиқариш ва тўлаш юзасидан аниқ мажбурияти текширилади .

Солиқ инспекторлари учун сайёр текширув – бу юридик шахслар ва якка тартибдаги тадбиркорларда солиққа оид ҳуқуқбузарликларни аниқлашнинг воситаларидан бири ҳисобланади. Ушбу текширувнинг камерал текширувдан асосий фарқи шундан иборатки, мазкур ҳолда аникланган  ҳуқуқбузарлик ҳолати юзасидан жазо қўлланилиши белгиланган. Бунда қўшимча солиқлар ва йиғимлар ҳисобланиши амалга оширилмайди