Фойда солиғини тўлаш ва ҳисоботини тақдим этиш қандай амалга оширилади

Тавсияда:

– бўнак тўловлари тўловчилари;
– бўнак тўловларини тўлаш тартиби;
– фойда солиғини тўлаш ва ҳисоботни тақдим этиш тартиби;
– фойда солиғини бўлиб-бўлиб тўлаш;
– фойда солиғининг бухгалтерия ҳисоби.

Фойда солиғи бўйича бўнак тўловларини ким тўлайди 

Солиқ кодексига кўра бўнак тўловлари тузатишларни ҳисобга олган ҳолда ўтган йил учун 5 млрд сўмдан ортиқ жами даромадга эга бўлган корхоналар томонидан тўланади . Президентнинг 2023 йил 4 сентябрдаги ПҚ-292-сон қарорига асосан фойда солиғи бўйича ҳар ой бўнак тўловларини тўлайдиган тадбиркорлик субъектларининг даромад чегараси
10 млрд сўмгача оширилди .

Яъни, 2023 йилнинг IV чорагидан бошлаб ўтган йилдаги тузатишлар ҳисобга олинган ҳолда жами 10 млрд сўмдан ортиқ даромадга эга бўлган корхоналар томонидан бўнак тўловлари тўланади.

Бўнак тўловларини ҳар ойнинг 23-санасидан кечиктирмай (дам олиш кунларини ҳисобга олган ҳолда) тўланг, яъни:

• 23 январдан;
• 23 февралдан;
• 23 мартдан ва ҳ.к. 

Эътибор беринг

Жами даромадга қуйидаги даромадларни киритинг : 

• Ўзбекистон ва унинг ҳудудидан ташқаридаги манбалардан олинган даромадларни;
• ҳар қандай шаклда ва (ёки) ҳар қандай фаолиятдан олиниши лозим бўлган даромадларни.

Уни ҚҚС ва акциз солиғини инобатга олмаган ҳолда...