Ташкилотнинг харажатларини тасдиқловчи онлайн-НКТ чеки билан қандай ишлаш мумкин
Тавсияда:
– чекнинг ҳақиқийлиги қандай текширилади;
– QR-код ишламаса нима қилиш керак;
– чек ранги хиралашишидан келиб чиқадиган муаммолар қандай бартараф этилади;
– корпоратив карточка орқали тўланганда ҚҚСни ҳисобга олиш учун чекни рўйхатга олиш;
– тизим чекда кўрсатилган ҚҚСни ҳисобга олишни қабул қилмаганда нима қилиш керак.
Назорат касса машинаси чеки харажатларни тасдиқловчи бошланғич бухгалтерия ҳужжати ҳисобланади. Онлайн-НКМга ўтиш билан чеклар билан ишлашда янги имкониятлар юзага келди.
Онлайн-НКМ чекларининг ҳақиқийлиги қандай текширилади
Чекнинг ҳақиқийлигини QR-код ёрдамида текширинг. Бу фискал маълумотлар оператори сервер тизимидан чекнинг электрон аслидан фойдаланиш ҳуқуқини берувчи онлайн-НКМ чекининг мажбурий реквизити ҳисобланади.
Чекни текшириш учун қуйидагиларни амалга оширинг:
1. Смартфонда QR-кодни ўқийдиган дастурлардан бирини ёқинг, фото/видео камерани чекнинг QR-кодига олиб боринг.
Смартфонларнинг баъзи моделлари махсус дастур – QR-код сканери ўрнатилмаса ҳам ишлай олади ва QR-кодга фото/видео камерани йўналтирганда ҳавола пайдо бўлади.
2. Таклиф этилган ҳаволага ўтинг. Экранда чекнинг электрон шакли очилиши лозим.
Ҳавола: https://ofd.soliq.uz/check?t... ёзуви билан бошланиши лозим.
Бу чек ҳақиқатдан ҳам онлайн-НКМ тизимида шаклланганлиги ва ДСҚнинг маълумотлар базасида мавжудлигини англатади. Агарда ундай бўлмаса, билингки, олдингизда сохта чек турибди.
Электрон чек билан чоп этилган чекда қуйидагилар мос келиши...