Ходимни унинг ташаббусига кўра қандай ишдан бўшатиш мумкин

Тавсияда:

– ишдан бўшаш учун асос;
– огоҳлантириш муддатлари;
– огоҳлантириш муддатини ҳисоблаш;
– огоҳлантириш шакли;
– аризани чақириб олиш;
– ишдан бўшатишни расмийлаштириш.

Ходим ўз хоҳишига кўра ишдан бўшашга қарор қилган бўлса, иш берувчи унинг бу илтимосини рад этишга ҳақли эмас. Бунда МК билан ходимнинг 2 ҳафта олдин бу ҳақда иш берувчини ёзма шаклда огоҳлантириш мажбурияти белгиланган. Бироқ иш берувчи ва ходим ўртасидаги келишувга кўра битим муддатини қисқартириш мумкин, шу жумладан меҳнат шартномасини ариза берилган кунда ҳам бекор қилиш мумкин .

Ходим қандай асосга кўра ишдан бўшаши мумкин  

Ходим билан меҳнат шартномасини унинг ташаббусига кўра бекор қилиш учун асос – МК 160-моддаси. Ходимда исталган турдаги меҳнат шартномасини ўз хоҳишига кўра бекор қилиш ҳуқуқи бор. Ўз ташаббусига кўра ишдан бўшаш чоғида МК билан ходимларнинг зиммасига ягона мажбурият – бу ҳақда иш берувчини олдиндан ва ёзма шаклда огоҳлантириш юклатилган .