Стандарт ЭҲФ қандай расмийлаштирилади
10.06.2026
Тавсияда:
– ЭҲФни расмийлаштириш:
товарларни реализация қилишда;
хизматлар кўрсатишда;
ҚҚС бўйича имтиёздан фойдаланганда;
товарлар бепул берилганда (хизматлар кўрсатилганда);
дори воситалари ва тиббий буюмларни реализация қилишда;
воситачилик шартномаси бўйича;
харажатларни қоплашга;
бюджет ташкилотига реализация қилишда;
ўтган даврлар учун.
Эътибор беринг
Тавсияга қуйидагиларга мувофиқ ўзгартиришлар киритилган:
- ВМнинг 12.06.2024 йилдаги 330-сон қарорига;
- Президентнинг 28.01.2025 йилдаги ПФ-13-сон Фармонига;
- ВМнинг 18.03.2025 йилдаги 168-сон қарорига;
- Президентнинг 23.05.2025 йилдаги ПҚ-190-сон қарорига;
- ВМнинг 21.10.2025 йилдаги 662-сон қарорига;
- Президентнинг 26.05.2026 йилдаги ПФ-100-сон Фармонига (Солиқ кодексига ҳам ўзгартиришлар киритилиши керак).
Электрон ҳисобварақ-фактуралар (ЭҲФ) айланмаси тизимида ҳисобварақ-фактурани расмийлаштириш учун электрон рақамли имзо (ЭРИ) ёрдамида ўзингиз танлаган ЭҲФ айланмаси тизимининг оператори сайтига киринг ва «Ҳисобварақ-фактурани яратиш» тугмасини босинг.
Кейинги хатти-ҳаракатлар вазиятга қараб амалга оширилади.
Эслатиб ўтамиз
Товарлар юклаб жўнатиш билан реализация қилинганда ЭҲФ электрон товар-транспорт юкхати (ЭТТЮХ) билан бирлаштирилган ҳолда расмийлаштирилиши мумкин 
.
Эътибор беринг
2025 йил 1 июлдан бошлаб рақамли маркировкаланган маҳсулотларни улгуржи сотиш фақат нақд пулсиз шаклда банк ҳисобварақлари орқали амалга оширилади .
2025 йил 1 сентябрдан бошлаб мажбурий рақамли маркировкаланадиган маҳсулотларни реализация қилишда маркировка коди бириктирилмаган ЭҲФни расмийлаштиришга йўл қўйилмайди .
Маълумот учун
- Электрон ҳисобварақ-фактура: қачон, қандай шаклда ва қайси муддатларда тақдим қилинади, ким имзолайди, тавсияда ўқинг.
Товарлар реализациясида ЭҲФни расмийлаштириш
Эслатиб ўтамиз
Табиат ёки инсон фаолиятининг (ш.ж. интеллектуал фаолиятнинг) қиймат баҳосига эга бўлган ва реализация қилиш учун мўлжалланган ҳар қандай предмети товар деб эътироф
этилади . Товарлар сифатида қуйидагилар тан олинади:
- электр энергияси;
- маълумотлар базаси;
- ахборот;
- интеллектуал фаолият натижалари, ш.ж. уларга бўлган мутлақ ҳуқуқлар.
Солиқ солиш мақсадларида мулкий ҳуқуқлар ҳам товар деб эътироф этилади. Номоддий характердаги қуйидаги фуқаролик ҳуқуқи объектлари мулкий ҳуқуқ деб тан олинади:
- мулкка қаратилган;
- пулда ифодаланган баҳога эга бўлган;
- ушбу мол-мулкдан мустақил равишда, унга боғлиқ бўлмаган ҳолда муомалада бўлишга қодир. Яъни олди-сотди шартномасининг объекти ёхуд шартномада ёки бошқа тасдиқловчи ҳужжатда кўрсатилган ушбу мулкий ҳуқуққа эгалик қилиш, ундан фойдаланиш ҳамда уни тасарруф этиш ҳуқуқига эга бўлган, ўз мулкдоридан ўзга шахсга бошқача тарзда ўтказиш объекти бўлиши мумкин...
Бизнинг Facebook
Телеграм канали @uz_buxgalter
