Фойда солиғи Ҳисоб-китобида жами даромад қандай акс эттирилади

Тавсияда:

– жами даромад:
товарларни (хизматларни) реализация қилишдан олинган даромад;
солиқ органларининг маълумотлари бўйича реализация қилиш айланмалари;
реализация қилиш қиймати қисман даромад сифатида эътироф этиладиган, солиқ тўловчининг фаолияти билан боғлиқ бўлмаган бошқа айланмалар;
фоизлар;
нотижорат ташкилотлари томонидан диний мақсадларда фойдаланиладиган товарларни реализация қилишдан олинган даромадлар;
АВ ва бошқа мол-мулкнинг чиқиб кетиши;
Солиқ кодексининг 248-моддаси 11, 13, 14-қисмларида назарда тутилган операциялар бўйича реализация қилишдан олинган даромадлар;
текин олинган мол-мулк (хизматлар);
инвентаризация натижалари бўйича ортиқча даромадлар;
мажбуриятларни ҳисобдан чиқаришдан олинган даромадлар;
дивидендлар;
ижобий курс фарқи;
назорат қилинадиган чет эл компаниясининг тақсимланмаган фойдаси;
трансферт нархни белгилаш натижасида олинмай қолган даромад;
солиқ базасига бозор қийматидан келиб чиққан ҳолда тузатиш киритиш;
аввал чегирилган харажатларни қоплаш;
жарималар, пенялар ва бошқа санкциялар;
тикланган захиралар суммаси;
алоҳида ҳисобга олиш мавжуд бўлмаганда мақсадли маблағлар;
ТМЗни баҳолаш усули ўзгарганда ижобий фарқлар;
мол-мулк мажмуасини сотиб олишда чегирма;
устав капитали камайтирилганда иштирокчининг тўловдан бош тортиши;
даромадга тузатиш киритиш;
инвестициявий чегирмани бекор қилиш;
операцияларнинг айрим турлари бўйича даромадлар;
доимий муассасаларнинг даромадлари;
бошқа даромадлар.

Жами даромад 

Жами даромадни аниқлаш учун:

1) корхонанинг ҳисобот (солиқ) даври мобайнида Ўзбекистондаги ва ундан ташқаридаги манбалардан олган барча даромадларини акс эттиринг (1-илованинг 020 ва 050–280-сатрлари).

2) 1-илованинг 010-сатрида давр учун жами даромад автоматик тарзда акс эттирилади.

Жами даромадни ҚҚС ва акциз солиғини ҳисобга олмаган ҳолда пул, натура ва (ёки) бошқа шакллардаги барча тушумлардан келиб чиққан ҳолда аниқланг .

Бирламчи ва бошқа ҳужжатлар, шу жумладан электрон ҳужжатлар, шунингдек солиқ ҳисоби ҳужжатлари даромадларни тан олиш учун асос бўлади. Масалан:

• ҳисобварақ-фактура;
• бажарилган ишлар далолатномаси ёки хизмат кўрсатиш далолатномаси;
• товар жўнатилганлиги, хизмат кўрсатилганлигини тасдиқловчи бошқа ҳужжатлар.

Солиқ кодексининг даромадни аниқлаш ва тан олиш тартиби бўйича нормаларини, агар улар бухгалтерия ҳисоби талабларидан фарқ қилса, қўлланг .

Масалан, корхона 75 млн сўмлик бир йиллик фоизсиз қарз олди. Қарз олиш санасидаги қайта молиялаштириш ставкаси – 14%. Солиқ солиш мақсадида корхона ҳар ойда 875 минг сўмлик (75 млн сўм х 14% : 12 ой) фоизсиз қарздан фойдаланишдан олинган даромадни жами даромад таркибида аниқлайди . Бунда ушбу даромад бухгалтерия ҳисобида акс эттирилмайди.

Товарларни (хизматларни) сотишдан олинган даромад 

1-устуннинг 021–026 сатрларида даромадингиз мавжуд б0 ўлган фаолият турларини танланг.

3-устуннинг 021–026-сатрларида ҳар бир фаолият тури бўйича реализациядан олинган даромадларни кўрсатинг.

020-сатрда товарларни (хизматларни) реализация қилишдан олинган жами даромад 021–026-сатрлар йиғиндиси сифатида автоматик тарзда акс эттирилади.

Реализация қилишдан олинган даромадга корхона олиши лозим бўлган ёки қуйидагилар учун олинган суммаларни киритинг:

• сотилган ўз маҳсулоти;
• жўнатилган товарлар;
• бажарилган ишлар;-+
• кўрсатилган хизматлар.

Сотилган товарлар (хизматлар) учун ҳақ тўлаш ёки қарзни узиш ҳисобига келиб тушган мол-мулк қиймати ҳам даромадга киритилади.

Эътибор беринг

Даромадни пул тушуми бўйича эмас, балки товарларни жўнатиш, хизматлар кўрсатиш бўйича аниқланг  .

Товарлар, хизматларни сотишдан олинган даромадни чегириб ташлаган ҳолда акс эттиринг:

• қўшилган қиймат солиғи;
• акциз солиғи;
• қайтарилган товарлар ва тайёр маҳсулотлар қиймати;
• сотув нархларидан харидорларга чегирмалар.

021–026-сатрларни асосий...