Технопарк (IT-парк) резидентларига имтиёзларни қўллаш тартиби

Тавсияда:

– Технопарк резидентлари учун имтиёзлар ва преференциялар;
– Технопарк резидентларига қўйиладиган талаблар;
– Технопарк резидентлари томонидан имтиёзларнинг қўлланилиши;
– Технопарк резидентлари томонидан виртуал офисни қўллаш;
– Технопарк резиденти мақомини йўқотса.

Технопарк резидентлари учун қандай имтиёзлар ва преференциялар назарда тутилган

Технопарк резидентлари 2028 йил 1 январгача қуйидагиларни тўлашдан озод этилган :

• барча турдаги солиқлар ва давлат мақсадли жамғармаларига мажбурий ажратмаларни, шунингдек ижтимоий солиқни. Шунингдек ҚҚС бўйича ҳам имтиёз республика норезидентларидан ахборот технологиялари соҳасидаги хизматлар харид қилинганда қўлланилади ;

• тасдиқланган рўйхатлар бўйича: Ўзбекистонда ишлаб чиқарилмайдиган, ўз эҳтиёжлари учун олиб кирилаётган асбоб-ускуналар, бутловчи қисмлар, деталлар, узеллар, технологик ҳужжатлар, дастурий таъминот воситалари учун божхона тўловларини (божхона йиғимларидан ташқари).

Товарларга имтиёзларни қўллаш тўғрисида божхона органларининг дастлабки қарорларини тақдим этиш тартиби махсус низомда келтирилган.

Мазкур солиқ ва божхона имтиёзларининг (ҚҚСдан ташқари) амал қилиши қуйидаги мезонлардан бирига тўғри келадиган юридик шахс бўлган IT-парк резидентлари учун

2040 йил 1 январга қадар узайтирилади  :

• IT-парк резидентлари учун рухсат этилган фаолият турлари бўйича экспорт ҳажми йиллик жами даромаднинг 50%дан ошади;
• IT-таълим хизматларини кўрсатиш. Бунда календарь йил давомида 18 ёшдан ошган битирувчиларнинг 50%дан ортиқ қисми IT-парк резиденти бўлган экспортчи корхоналарга ишга жойлашадилар. Ишга жойлашган битирувчилар реестрини солиқ органларининг ахборот тизимига интеграция қилинган ҳолда Рақамли технологиялар вазирлиги юритади.

Технопарк резидентлари...