Фойда солиғи ҳисоб-китобида харажатларни моддалар бўйича қандай акс эттириш керак

Тавсияда: 

– Ҳисоб-китобга 2-илованинг II қисмини тўлдириш тартиби:
хом ашё ва материалларга харажатлар;
моддий харажатларнинг алоҳида турлари;
меҳнатга ҳақ тўлаш харажатлари ва ижтимоий солиқ;
асосий воситалар ва номоддий активлар амортизацияси;
қайта сотиш учун сотиб олинган товарлар қиймати;
жорий ва капитал таъмирлаш;
маркетинг ва реклама харажатлари;
транспорт харажатлари;
оператив ижара бўйича харажатлар;
харажатларга киритиладиган солиқлар;
фоизлар;
салбий курс фарқи;
қўшилган қиймат солиғи;
умидсиз қарзлар бўйича харажатлар;
захира фондлари;
 трансферт нархлари бўйича тузатишлар;
моддий наф;
пенсияларга устамалар ва қўшимча тўловлар;
 моддий ёрдам;
хайрия;
талон-торож ва камомаддан зарарлар;
бошқа шахслар учун тўланган солиқлар;
текширув натижалари бўйича қўшимча ҳисоблашлар;
тадбиркорлик фаолиятини амалга ошириш билан боғлиқ бўлмаган харажатлар;
қонун ҳужжатларини бузганлик учун санкциялар;
мол-мулк (хизмат)ларнинг бепул берилишидан зарарлар;
нотижорат ва халқаро ташкилотларга тўловлар;
шартномавий мажбуриятларни бузганлик учун санкциялар;
норезидентга доимий муассасасининг тўловлари;
норезидентнинг бошқарувга оид ва умуммаъмурий харажатлари;  
 илмий тадқиқотларга ва тажриба-конструкторлик ишланмаларига доир харажатлар;
ижтимоий инфратузилма тармоқларини қуриш ва беғараз топшириш харажатлари;  
бошқа харажатлар.

Фойда солиғи ҳисоб-китобига 2-илованинг II қисми қандай тўлдирилади 

Харажатлар моддалари бўйича харажатларни Фойда солиғи ҳисоб-китобига 2-илованинг иккинчи қисмида акс эттиринг (0101–0137-сатрлар).

Харажатларни қуйидагиларда акс эттиринг:

• 3-устунда – харажат моддалари бўйича жами;
• 4-устунда – солиқ солиш мақсадларида чегирилмайдиган 3-устунда келтирилган харажатлар .

Таннархга киритилган сарф-харажатлар ўтган ҳисобот (солиқ) даврларида амалга оширилган, жорий даврда харажатларга ҳисобдан чиқарилган бўлиши мумкинлигини инобатга олинг.

Мураккаб томони шундаки, сотилган товар (хизмат)ларнинг ишлаб чиқариш таннархи бўйича харажатлар 9100-счётлар гуруҳида товар (хизмат)лар номенклатураси бўйича ҳисобга олинади, харажат моддалари бўйича эмас.

Сотилган товар (хизмат)лар таннархи таркибидаги сарф-харажатларнинг аниқ тури суммасини қуйидаги формула бўйича аниқланг:

Сотилган товар (хизмат)лар таннархи таркибидаги сарф-харажатлар = Ишлаб чиқарилган товар (хизмат)лар таннархи таркибидаги сарф-харажатлар : 

Ишлаб чиқарилган товар (хизмат)лар таннархи х Сотилган товар (хизмат)лар таннархи.

Бухгалтерия ҳисобига боғланган ҳолда ушбу формула қуйидаги кўринишда бўлади:

Сотилган товар (хизмат)лар таннархи таркибидаги сарф-харажатлар = Харажатлар 2010-счётининг субконто бўйича айланмаси : 2010-счёт бўйича жами айланма х 9100-счёт бўйича айланма.