Солиқ солинадиган фойдани ўтган йиллардаги зарарлар суммасига қандай камайтириш мумкин

Тавсияда:

– солиқ солинадиган фойдани камайтиришнинг умумий қоидалари;
– Фойда солиғи ҳисоб-китобига 8-иловани тўлдириш тартиби:
 ўтказилмаган зарарнинг йил бошига қолдиғи;
 жорий йил учун зарар;
 солиқ солинадиган фойда;
 солиқ солинадиган фойдани камайтирадиган чекланган зарар суммаси;
 солиқ солинадиган фойдани камайтириш суммаси;
 йил охирида ўтказилмаган зарарнинг қолдиғи;
– ўтган йиллардаги зарарлар солиқ солинадиган фойдани камайтирмайдиган ҳолатлар. 

Солиқ солинадиган фойдани ўтган йиллардаги зарарлар суммасига камайтиришнинг умумий қоидалари

Агар фойда солиғининг ҳисоб-китобида зарар ҳосил бўлса, унинг суммасига келгуси йиллардаги солиқ солинадиган фойдани камайтиришга ҳақлисиз.

Зарар – чегириладиган харажатларнинг жами даромаддан ошиб кетиши . Уни қуйидаги зарарларни ҳисобга олган ҳолда аниқланг:

• муомаладаги қимматли қоғозлар ва муддатли битимларнинг муомаладаги молиявий воситаларига доир операциялар бўйича зарарларни. Улар тадбиркорлик фаолиятидан кўрилган зарарлар деб эътироф этилади