МЧЖ тўғрисидаги янги Қонун: нималар ўзгарди

2026 йил 22 июлдан бошлаб янги таҳрирдаги «Масъулияти чекланган жамиятлар тўғрисида»ги Қонун (21.04.2026 й. ЎРҚ-1137-сон, бундан кейин – МЧЖ тўғрисидаги Қонун) кучга киради.

Умуман олганда, МЧЖ тўғрисидаги янги Қонун масъулияти чекланган жамиятлар фаолиятининг тартибга солинишини акциядорлик жамиятлари учун амал қиладиган корпоратив стандартларга сезиларли даражада яқинлаштиради. Иштирокчиларнинг ҳуқуқларини ҳимоя қилиш, манфаатлар тўқнашувини тартибга солиш ва бошқарув органларининг масъулиятини оширишга алоҳида эътибор қаратилди.

Қуйида киритилган янгиликлар ҳақида умумий маълумот берилган, улар орасида ушбу ҳуқуқий институтларни мустаҳкамлаш ҳам бор:

• бошқарув органлари аъзоларининг фидуциар мажбуриятлари;
• МЧЖ миноритар ва мажоритар иштирокчиларининг ҳуқуқларини батафсил тартибга солиш;
• МЧЖ аффилланган шахслари билан тузилган битимлар.

Муҳим янгиликлар ва қоидалар

Ваколатхоналар ва филиаллар, шуъба ва тобе жамиятлар

«Акциядорлик жамиятлари ва акциядорларнинг ҳуқуқларини ҳимоя қилиш тўғрисида»ги Қонунга (бундан кейин – АЖ тўғрисидаги Қонун) ўхшаш тарзда, шунингдек Фуқаролик кодекси қоидаларини инобатга олган ҳолда МЧЖ ваколатхоналари ва филиаллари, шуъба ва тобе хўжалик...