Ишончли бошқарувда солиқ солишнинг алоҳида ҳоллари

Тавсияда:

– ИБ тарафи норезидент бўлганда солиқ солишнинг ўзига хос хусусиятлари;
– ИБда қимматли қоғозлар:
   МБМВ;
   инвестиция пайлари;
   ПИФ ва қимматли қоғозлар қарзларининг ҳисоби.

Агар шартномада норезидент иштирок этса ёхуд бошқарув объекти қимматли қоғозлар, муддатли битимларнинг молиявий воситалари (МБМВ) ёки инвестиция пайлари бўлса, ишончли бошқарувнинг (ИБ) умумий солиқ модели ва унинг операцияларига солиқ солиш қоидалари ҳар доим ҳам етарли бўлавермайди. Бундай ҳолатлар учун Солиқ кодексида махсус қоидалар белгиланган    .

Ишончли бошқарув тарафи норезидент бўлганда солиқ солишнинг ўзига хос хусусиятлари

Агар ИБ таъсисчиси ёки наф олувчи норезидент бўлса, солиқ оқибатлари норезидентнинг ИБга берилган мол-мулкдан оладиган даромад турига қараб белгиланади. ИБ контекстида бу, одатда, қуйидагилардан иборат:

• Ўзбекистонда мол-мулкдан фойдаланишдан олинган даромад;
• агар шартномада назарда тутилган бўлса, мол-мулкни реализация қилишдан олинган даромад;
• мутлақ ҳуқуқлардан фойдаланишдан олинган роялти (даромад),
• қимматли қоғозлар бўйича даромадлар, агар бундай активлар ИБга топширилган...