• beta

Тўлиқсиз иш вақти

18.09.2019

Тўлиқ бандлик талаб этилмаса, ходим учун тўлиқсиз иш куни ёки тўлиқсиз иш ҳафтасини расмийлаштиринг.

Масалан, ҳужжатлар айланмаси катта бўлмаганда юрисконсультни ёки ҳисобот тайёрлаш ёхуд солиқ текширувига тайёргарлик кўриш пайтида бухгалтер ёрдамчисини тўлиқсиз иш вақтига қабул қилиш мумкин.

Беш кунлик ва олти кунлик иш ҳафтасида ушбу режимдан фойдаланинг.

Қуйидагиларнинг ёзма илтимосига кўра тўлиқсиз иш куни ёки тўлиқсиз иш ҳафтасини албатта белгиланг:

* аёлнинг, агар у:

  • ҳомиладор бўлса;
  • 14 ёшга тўлмаган боласи бор бўлса, шу жумладан ҳомийлигида шундай боласи бор бўлса;
  • 16 ёшга тўлмаган ногирон боласи бор бўлса, шу жумладан ҳомийлигида шундай боласи бор бўлса;
  • тиббий хулосага мувофиқ оиланинг бетоб аъзосини парвариш қилиш билан банд бўлган шахснинг .

 

Аризачидан ёзма ариза ва тасдиқловчи ҳужжатларни (маълумотнома, тиббий хулоса, васийликни белгилаш тўғрисидаги қарор, бола туғилганлиги тўғрисида гувоҳнома ва б.) талаб қилинг. Уларни текширинг. Ҳужжатлар ҳақиқий бўлса, улардан нусха кўчириб, шахсий йиғмажилдга солиб қўйинг, асл нусхаларини эса аризачига қайтаринг.

Асослантирувчи ҳужжатлари мавжуд бўлганда тўлиқсиз иш куни ёки тўлиқсиз иш ҳафтасида ишлаш ҳуқуқига эга бўлган ходимга рад жавоби берманг. Бу ҳуқуқбузарликдир. Директорга жарима солишлари мумкин.

Тасдиқловчи ҳужжатлари бўлмаса, илтимосини қаноатлантиришни рад этишингиз мумкин. Юқорида кўрсатилган тоифаларга кирмайдиган ходимлар тўлиқсиз иш вақтини белгилашни илтимос қилган қолган ҳолларда – ташкилот манфаатларидан келиб чиқиб масалани ҳал қилинг.

 

Вазият

Ташкилотда иш вақти соат 9.00 дан соат 18.00 гача давом этади. Ходим оилавий шароитига кўра ишдан доим бир соат олдин кетиши зарур. Бундай шартларни расмийлаштириш мумкинми?

– Ходим буни иш берувчи билан келишиб олган бўлса, ҳа, мумкин. Келишувга биноан ходим тўлиқсиз иш кунига ўтказилиши тўғрисидаги ўзгартиришларни меҳнат шартномасига киритинг .

 

Ходим болани парваришлаш таътилида бўлган ҳолда қисман банд бўлиш шарти билан ишга чиқишга рози бўлса – у билан тўлиқсиз иш вақти хусусида келишиб олинг. Ходимдан аризани қабул қилиб, у билан келишилган иш режимини расмийлаштиринг  ,  ,  .

 

Вазият

Аёл фарзандини 2 ёшга тўлгунига қадар парваришлаш учун таътилга чиққан. Унга нафақа тўланади. Директор унинг ишга чиқишини хоҳлаяпти. Унга тўлиқсиз иш кунини белгилаш мумкинми? Агар мумкин бўлса, иш куни давомийлиги қандай бўлади?

 – Ходима бундай шартларга рози бўлса, ҳа, мумкин   . Беш кунлик иш ҳафтасида 4 соатлик иш куни белгиланиши мумкин. Ёки ҳафтасига 8 соатдан 2-3 кун ишлаши мумкин. Келишувга кўра бошқа қулай иш режими ҳам белгиланиши мумкин.

 

Тўлиқсиз иш вақти белгиланганда:

  • янги ходим учун – у билан тўлиқсиз иш вақти ҳақидаги шарт қайд этилган меҳнат шартномасини имзоланг;
  • ишловчи ходимлар учун – шартномадаги кундалик иш соатлари ва/ёки ҳафтадаги иш кунлари сонини ўзгаринг. Ёхуд индивидуал иш графигини тузинг. Зарур бўлганда шахс ишга чиқиши шарт бўлган аниқ кунларни кўрсатинг. Келишувга биноан меҳнат шартномасига ўзгартиришларни киритинг.

Формулировкалар намуналари:

«Ходим ҳафтада уч иш куни тўлиқ ишлайди. Қолган кунлар – ишланмайдиган кунлар».

«Ходимга беш соатлик иш куни билан беш кунлик иш ҳафтаси белгиланади».

«Ходим ҳафтанинг дастлабки уч кунида тўлиқ ишлайди. Қолган икки кун – 4 соатдан».

«Ходим учун ҳар куни соат 9.00 дан соат 13.00 гача бўлган иш режими белгиланади».

«Ходим учун қуйидаги иш режими белгиланади:  

душанба ва сешанба кунлари – соат 9.00 дан соат 13.00 гача; 

чоршанбадан жумагача соат 15.00 дан соат 19.00 гача».

«Ходим душанба, сешанба ва чоршанба кунлари 8 соатдан, пайшанба ва жума кунлари 2 соатдан ишлайди».

 

Буйруқ расмийлаштиринг. Меҳнат шартномаси (янги ишга қабул қилинаётган ходим учун) ёки иш вақти режимини ўзгартириш тўғрисида меҳнат шартномасига қўшимча келишув (ишловчи ходим учун) унинг учун асос бўлади. Ишловчи ходимнинг иш вақтини ўзгартириш тўғрисидаги буйруқ намунасига қаранг.

Ишланган вақтга ёки ишлаб чиқарилган маҳсулотга мутаносиб равишда меҳнатга ҳақ тўланг. Бунда йиллик асосий таътилнинг муддатини қисқартирманг .

 

«_____»____________ 20____йилдаги _______-сон меҳнат шартномасига

_________-сон қўшимча келишув

_______________________                                    «_______»_______________ 20______йил

 

Иш берувчи __________________________________________________________________                                 

(корхона номи)

директор ____________________________________________________________ тимсолида

(директорнинг тўлиқ Ф.И.О.)‎‎‎‎

ва Ходим _____________________________________________________________________

                                                           (тўлиқ Ф.И.О.)‎‎‎‎

қуйидагилар тўғрисида «___» ________ 20_____ йилдаги ___-сон меҳнат шартномасига мазкур қўшимча келишувни туздилар (кейинги ўринларда Келишув деб юритилади):

 

1. Меҳнат шартномасининг ___-банди қуйидаги таҳрирда баён этилсин:

«__. Ходим учун қуйидаги режимдаги иш вақти ва дам олиш вақти билан тўлиқсиз иш вақти (4 соатлик иш куни) белгиланади:

__.1. иш кунининг бошланиш вақти – соат 11.00 да;

__.2. дам олиш ва овқатланиш учун танаффус вақти – соат 12.30 дан соат 13.00 гача;

__.3. иш кунининг тугаш вақти – соат 15.30 да;

__.4. дам олиш кунлари – шанба, якшанба».

 

2. ___-банди қуйидаги таҳрирда баён этилсин:

«__. Ишланган вақтга мутаносиб равишда меҳнатга ҳақ тўланади».

 

3. ___-сон меҳнат шартномасининг қолган шартлари ўзгартиришсиз қолдирилади.

4. Келишув ____________________дан кучга киради.

5. Келишув Шартноманинг ажралмас қисми ҳисобланади ва у билан бирга қўлланилади.

6. Келишув икки нусхада, томонларнинг ҳар бири учун бир нусхадан тузилди.

 

Иш берувчи                                                                                                        Ходим

_________________________                                                         ________________________

_________________________                                                       _________________________

_________________________                                                       _________________________

_________________________                                                     __________________________

        (имзо)                                                                                                 (имзо)

_________________________                                                 ____________________________

(Ф.И.О.)                                                                                     (Ф.И.О.)

М.Ў. (муҳр мавжуд бўлса)

 

 

 

 

_______________________________

(ташкилот бланкасида)

                                                                        БУЙРУҚ

«_____» ___________ 20____ йил                         ____-сон                   _________________ш.

 

«Тўлиқсиз иш вақтини белгилаш тўғрисида»

 

Буюраман:

1. Архив бўлими мутахассиси Раҳмонова Наргиза Маҳкамовна учун «___»__________ 201___ йилдан қуйидаги иш режими билан тўлиқсиз иш куни белгилансин:

– душанбадан жумагача беш кунлик иш ҳафтаси, икки кунлик (шанба, якшанба) дам олиш куни билан;

– кундалик иш давомийлиги – 4 соат;

– иш кунининг бошланиш вақти – соат 11.00 да, ишнинг тугаш вақти – соат 15.30 да;

– дам олиш ва овқатланиш учун танаффус – соат 12.30 дан соат 13.00 гача 30 дақиқа.

2. Бош бухгалтер А.А.Сергеева Н.М.Раҳмонова ишлаган вақтга мутаносиб равишда меҳнатига ҳақ тўласин.

 

Асос:

1. «____»___________ 20___йилдаги ___-сон меҳнат шартномасига «_____»____________ 20____йилдаги  ____-сон қўшимча келишув.

 

Корхона раҳбари   ___________________                        ___________________________________

                                           (имзо)                                                        (Ф.И.О.)

М.Ў. (муҳр мавжуд бўлса)

 

Буйруқ билан танишдим___________________  ___________________________________

         (ходимнинг имзоси)                        (ходимнинг Ф.И.О.)

«____»________________ 20______йил   

Чтобы получать новости от Buxgalter.uz первыми, подписывайтесь на Telegram-канал