Солиқ солиш мақсадларида қайси мулкий даромадлар жами даромадга киритилади
Тавсияда:
– мулкий даромадлар қайси ҳолатларда юзага келади;
– мулкий даромадларнинг асосий турлари;
– мулкий даромадларнинг бошқа турлари.
Жами даромад таркибига меҳнатга ҳақ тўлаш тарзидаги даромадлардан ташқари мулкий даромадлар ҳам киритилади. Сиз уларни меҳнат бўйича даромадлардан фарқлай олишингиз керак, чунки улар «иш ҳақи» солиқларининг ҳаммасига ҳам тортилмайди.
Мулкий даромадлар қайси ҳолатларда юзага келади
Ушбу даромаларднинг манбаи - жисмоний шахснинг мол-мулки. Бухгалтерия тили билан айтганда – унинг активлари.
Қуйидагилардан мулкий даромад олиниши мумкин:
- активларга эгалик қилишдан (фоизлар, дивидендлар ва ҳ.к.);
- активларни бошқа шахсларга фойдаланишга топширишдан (мол-мулкни ижарага топширишдан);
- активларни сотишда .
Мулкий даромадларнинг асосий турлари
1. Фоизлар
Бу ҳар қандай турдаги қарз мажбуриятларидан олинган даромадлардир. Шу жумладан, облигациялар ва бошқа қимматли қоғозлар, шунингдек, пул омонатлари (банкдаги) бўйича олинган даромад фоизлар деб эътироф этилади . Жисмоний шахсларга тўланадиган фоизлар тўлов манбаида резидентлар учун 5 % ставкада ва норезидентлар учун 10 % ставкада солиққа...