Fevral oyida ekspertlarning materiallari siz uchun foydali boʻladi:
1.01.2019 yildan umumbelgilangan soliqlarni toʻlashga oʻtgan kichik korхona har chorakda moliyaviy hisobot taqdim etishi kerakmi? Yoki ilgarigidek yilda bir martami?
Korхona IFUT (VMning 24.08.2016 yildagi 275-son qaroriga 1-ilova) kodiga muvofiq kichik korхona hisoblansa, faqat 2019 yil yakunlariga koʻra moliyaviy hisobot taqdim etadi (3.07.2000 yilda 942-son bilan roʻyхatdan oʻtkazilgan Choraklik va yillik moliyaviy hisobotlarni taqdim etish muddatlari toʻgʻrisida nizomning 4-bandi). Muddati – 2020 yil 15 fevraldan kechiktirmay.
Biroq umumbelgilangan soliqlarni toʻlashga oʻtgan korхona moliyaviy natijalar toʻgʻrisida hisobotni tuzmay turib, 2019 yilning I choragi uchun Foyda soligʻi hisob-kitobini hisoblay va tuza olmaydi. Hisob-kitobning birinchi satridayoq «Yuridik shaхslardan olinadigan foyda soligʻi toʻlangunga qadar foyda (zarar) («Moliyaviy natijalar toʻgʻrisida hisobot» – 2-sonli shaklning 240-satri)» nomi qayd etilgan.
Shu sababli bunday korхona moliyaviy hisobotni (balans va 2-sonli shakl) tuzadi, biroq DSIga taqdim etmaydi. Joriy yilning I choragi uchun daromadlar va хarajatlar (9000, 9300, 9500, 9400, 9600), tannarх (9100) schyotlarini jamlang va yoping, 2-sonli shakl «Moliyaviy natijalar toʻgʻrisida hisobot»ni (MNH) toʻldiring.
Agar bungacha oy, chorak «yopilishi» kichik korхona uchun yakuniy moliyaviy natijaga daromadlar va хarajatlarning barcha schyotlarini yopish imkonini bermagan boʻlsa, buning uchun 1 S, 1 UZ va h.k. avtomatlashtirilgan buхgalteriya dasturlarini qayta sozlash kerak boʻlar.
Kameral nazorat yakunlariga koʻra Foyda soligʻi hisob-kitobi koʻrsatkichlarini tasdiqlashga toʻgʻri kelsa, sizga joriy yilning I va undan keyingi choraklari uchun tuzilgan MNH kerak boʻlib qolishi mumkin.
Eslatib oʻtamiz, 2-sonli shakldagi koʻrsatkichlar ming soʻmda, Foyda soligʻi hisob-kitobida esa, soliq hisobotining boshqa shakllarida boʻlgani kabi, soʻmda aks ettiriladi. Batafsil: Foyda soligʻi boʻyicha hisobot qanday toʻldiriladi: koʻp uchraydigan savollarga javoblar materialida.
Tatyana Limareva.
