Karantin vaqtida amortizatsiya va boshqa хarajatlarni qayerga kiritish lozim

Agar karantin vaqtida firma ishlamagan, hech narsa ishlab chiqarmagan boʻlsa, uskuna amortizatsiyasini nima qilish mumkin? Agar hisobot davrida ishlab chiqarish ham, ilgari ishlab chiqarilgan tayyor mahsulotni realizatsiya qilish ham boʻlmagan boʻlsa, ishlab chiqarish seхi ijarasi va elektr energiyasi boʻyicha хarajatlarni qayerga kiritish lozim? «Norma» eksperti Natalya MEMETOVA javob beradi:

- Qonun hujjatlarining qoidalaridan kelib chiqsa, belgilangan tartibda foydalanilmayotgan usukuna boʻyicha hisoblangan amortizatsiya boʻyicha хarajatlar foyda soligʻi hisob-kitobida chegiriladi .

Bunday хarajatlarni boshqa operatsiya хarajatlariga kiriting .

Ishlab chiqarish uskunasi boʻyicha amortizatsiya hisoblashning ishlab chiqarish usulidan foydalangan maqsadga muvofiqdir. Bu holda u faqat uskuna ishlaganda hisoblanadi .

Bekor turib qolganda amortizatsiya hisoblash va soliq oqibatlari haqida bu yerda va bu yerda oʻqing.

Agar ishlab chiqarish seхi ishlamasa, imkon qadar ijara хarajatlarini minimallashtirish lozim. Elektr energiyasi boʻyicha хarajatlar ishlab chiqarish jarayoni mavjud boʻlmaganda avtomatik tarzda minimal boʻladi. Agarda ular baribir mavjud boʻlsa, ularni boshqa operatsiya хarajatlariga kiriting.

Ularni soliq bazasidan chegirish uchun bunday хarajatlarni iqtisodiy jihatdan asoslash kerak.