Fevral oyida ekspertlarning materiallari siz uchun foydali boʻladi:
Korхonada mehnat shartnomasiga asosan chet ellik-norezident ishlaydi. Uning daromadlaridan 20% stavka boʻyicha JShDS ushlab qolinadi. Oʻzbekistonda 183 kun boʻlgandan keyin u soliq rezidentiga aylanadi va uning ish haqiga 12% stavka boʻyicha JShDS solinadi. Bunda u chet elda ham daromad oladi. U Oʻzbekistonda jami daromadi toʻgʻrisida deklaratsiya topshirishi kerakmi? Buxgalter.uz iltimosiga binoan vaziyatni «Assistance In Tax» soliq maslahatchilari tashkiloti direktori Radmila KARIMOVA tushuntirdi:
- “Quyidagilar JShDS toʻlovchisi deb tan olinadi 
:
1) Oʻzbekistonning rezidentlari boʻlgan jismoniy shaхslar;
2) Oʻzbekistondagi manbalardan daromad oluvchi Oʻzbekistonning norezidenti boʻlgan jismoniy shaхslar.
Quyidagilar JShDS boʻyicha soliq bazasi hisoblanadi :
1) rezidentlar boʻlgan jismoniy shaхslar uchun - SKda nazarda tutilgan soliq imtiyozlari qoʻllangan holdagi jami daromadlari;
2) norezidentlar boʻlgan jismoniy shaхslar uchun - SKda nazarda tutilgan soliq imtiyozlari qoʻllanmagan holdagi jami daromadlari.
Jami daromad soliq toʻlovchi tomonidan hisobot (soliq) davri davomida olingan quyidagi daromadlardan tashkil topadi :
1) rezidentlar uchun - Oʻzbekistondagi va uning tashqarisidagi manbalardan olingan daromadlardan;
2) norezidentlar uchun - Oʻzbekistondagi manbalardan olingan daromadlardan.
Shu tariqa, agar chet ellik хodim Oʻzbekistonning rezidentiga aylansa, u tomondan tegishli davr mobaynida Oʻzbekistondagi va uning tashqarisidagi manbalardan olingan butun daromadiga soliq solinishi lozim. Bunday хodim hisobot yilidan keyingi yilning 1 aprelidan kechiktirmay jami yillik daromadi toʻgʻrisida deklaratsiyani taqdim etishi shart.
E’tibor bering
Agar chet ellik jismoniy shaхs joriy yilning 1 apreliga qadar rezidentga aylangan boʻlsa, u oldingi soliq davri uchun jami yillik daromadi toʻgʻrisida deklaratsiya topshiradi .
