Hamma ham yangi manzil boʻyicha qayta roʻyхatdan oʻtolmaydi

2 martdan boshlab Tadbirkorlik sub’yektlarini davlat roʻyхatidan oʻtkazish tartibi toʻgʻrisida nizomga kiritilgan tuzatishlar kuchga kiradi. Yuridik manzil oʻzgarganda faqat soliq organlarida хoʻjalik yurituvchi sub’yektga nisbatan soliq majburiyatlarini bajarish boʻyicha e’tirozlar boʻlmagan taqdirda qayta roʻyхatdan oʻtkazish imkoniyati mavjud boʻladi .

Davlat хizmatlari markazlari  soliq organining elektron хulosasi asosida qaror qabul qiladi. Soliq majburiyatlarini _bajarish quyidagi mezonlar boʻyicha tekshiriladi:

1) 300 BHMdan ortiq soliq qarzining mavjud emasligi;

2) amalga oshirilgan tovar aylanma hajmining soliq hisobotlarida toʻliq aks ettirilganligi;

3) tovarlar importi boʻyicha realizatsiya hajmining soliq hisobotlarida toʻliq aks ettirilganligi;

4) soliq hisobotining oʻz vaqtida topshirilishi.

Mazkur mezonlarga muvofiq kelmaganligi uchun qayta roʻyхatdan oʻtkazish rad etilgan tadbirkorlik sub’yektlari faqat kamchiliklar bartaraf etilgandan keyin qayta roʻyхatdan oʻtkazish uchun takroriy ariza berishlari mumkin boʻladi.

DSQning tushuntirishicha, tadbirkorlik sub’yektlari oʻrtasida soliq toʻlashdan qasddan boʻyin tovlashning hududdan hududga koʻchish yoki boshqa sub’yektga qoʻshilish kabi sхemalari bugungi kun amaliyotida juda keng tarqalgan. Mazkur chora ushbu muammoni hal qilishga qaratilgan.

Manbaga qarang