9 oyni xatolarsiz yopamiz:
Soliq qoʻmitasi fuqarolarni tovarlarni yoki xizmatlarni sotishda huquqbuzarliklar ustidan tezkor tarzda shikoyat berish imkoniyatini taqdim etadigan “Soliq hamkor” dasturiga oʻrgatmoqda. Ushbu tizim uning yordamida nohalol raqobatdan himoyalanganmi? Agar ilgarigisi tasdiqlanmagan boʻlsa, huquqbuzarlik toʻgʻrisidagi har bir xabardan soʻng savdo shoxobchasi tekshiriladimi? Ushbu dasturdan qanday qilib toʻgʻri foydalanish mumkin?
Xabarni joʻnatish tartib-taomili juda oson. Quyidagilarni amalga oshirish zarur:
1) Soliq ilovasini yuklab olish;
2) “Soliq hamkor” boʻlimiga kirish va unda roʻyxatdan oʻtish. Roʻyxatdan oʻtish uchun - pasport seriyasi va raqami, F.I.O. va telefon raqamini koʻrsatish;
3) huquqbuzarlik toʻgʻrisida xabar shaklini toʻldirish va uni joʻnatish.
Shaklni toʻldirish chogʻida tushuvchi menyudan huquqbuzarlik turini tanlash zarur:
1) NKM cheki berilmagan;
2) terminal orqali toʻlov qabul qilinmagan;
3) terminal orqali toʻlovda qoʻshimcha ustama talab qilingan;
4) tovar (kassa) chekini bermasdan yaroqlilik muddati oʻtgan mahsulotni sotish;
5) tovar (kassa) chekini bermasdan aksiz markasi boʻlmagan spirtli ichimliklarni sotish;
6) tovar (kassa) chekini bermasdan aksiz markasi boʻlmagan tamaki mahsulotlarini sotish;
7) noqonuniy tadbirkorlik faoliyatini amalga oshirish;
8) tovar (kassa) chekini bermasdan sifat sertifikati boʻlmagan mahsulotlarni sotish;
9) ijaraga beriladigan koʻchmas mulk ob’yekti Orom.uz platformasida roʻyxatdan oʻtkazilmagan.
Xabar shaklini keyinchalik toʻldirishda savdo shoxobchasining nomini yoki huquqbuzarning F.I.O.ni koʻrsatish taklif qilinadi. Tushuvchi roʻyxatlardan - shaharni, tumanni, mahalla nomini tanlang, manzil yoki moʻljalni yozing, ob’yektni xaritada koʻrsating va vaziyatni oʻz soʻzlaringiz bilan ta’riflang. Xabarga huquqbuzarlikni tasdiqlovchi foto, video yoki audiofaylni ilova qilishingiz mumkin. Videofayllarga qoʻyiladigan talablar haqida bu yerda oʻqing.
DSQ iste’molchilardan kelib tushadigan har bir xabarni tezkor tarzda oʻrganib, joʻnatuvchiga natijalar haqida xabar qilishga va’da bermoqda.
Yuzaga keladigan savollar:
1. Agar nohalol raqobatchi yoki boshqa yomonlikni ravo koʻruvchi shaxs nomuayyan nafardagi kishilar bilan “kelishib olsa”, ular uncha katta boʻlmagan mukofot evaziga nazorat qiluvchi organni aniq savdo shoxobchasi boʻyicha shikoyatlarga toʻldirib yuborishsa, nima boʻladi? Bunday vaziyatda soliq toʻlovchi oʻzini qanday himoya qiladi? Axir dastur haqiqatda shikoyat berishni ancha osonlashtiradi.
2. Xabar pasport ma’lumotlariga bogʻlangan aniq telefon raqamidan yuboriladi. Bu juda yaxshi, sababi boʻhtonchini qasddan yolgʻon ma’lumotlar uchun jazolash mumkin boʻladi. Jazoni ehtimoliy mukofotdan olinadigan naf bilan tenglashtirish mumkinmi?
3. Tasdiqlanmagan holatlar boʻyicha oʻtkazilgan tekshiruvlardan keyin, barcha takroriy shikoyatlar tekshiriladimi?
Agar uning mutaxassislari barcha ushbu masalalarni olib tashlashga yordam berishsa, biz soliq idorasidan minnatdor boʻlardik. Hatto agar shunga oʻxshash vaziyatlar amaliyotda hali roʻy bermagan boʻlsa ham, baribir ularga tayyor boʻlish lozim.
Soliq tekshiruvi chogʻida oʻzini qanday tutish va u bilan bogʻliq boshqa oʻziga xos jihatlar haqida bilib olish uchun Moliya vazirligi, DSQning yetakchi mutaxassislari va “Norma” ekspertlarining tavsiyalarida oʻqing:
- Sayyor tekshiruv chogʻida oʻzini qanday tutish kerak;
- Qachon sizga sayyor tekshiruvni tayinlashlari mumkin;
- Sayyor tekshiruvda qanday tadbirlarni oʻtkazishlari mumkin;
- Sayyor tekshiruvda tomonlarning huquq va majburiyatlari;
- Sayyor tekshiruv natijalari ustidan shikoyat qilishdan ma’no bormi;
- Tadbirkor xronometraj haqida bilishi kerak boʻlgan barchasi.
Saida JONIZOQOVA tayyorladi
