Avtotransport vositalari uchun sugʻurta soliqlarga solinmaydi

YTH sababli tashkilot hisob raqamiga sugʻurta toʻlovini oldi. Sugʻurta summasi korхona daromadiga kiradimi va aylanmadan olinadigan soliqqa solinadimi? Buхgalteriya oʻtkazmalari qanday boʻladi?

Savollarga buxgalter.uz eksperti Tatyana LIMAREVA javob berdi:

– Ta’kidlash joizki, SKning 43-bobiga muvofiq aniqlanadigan jami daromad soliq solish ob’yektidir. Bundan soliq solish chogʻida inobatga olinmaydigan daromadlar mustasno - SK 304-m..

Quyidagilar daromad sifatida hisobga olinmaydi:

• sugʻurta shartnomalari boʻyicha sugʻurta tovoni (sugʻurta summasi) tarzida olingan mablagʻlar.

Shunday qilib, YTH sababli sugʻurta tovoni tarzida aylanmadan olingan soliqqa solinmaydi va foyda soligʻini hisoblashda daromad sifatida hisobga olinmaydi. Tegishincha,  ushbu soliqlar boʻyicha hisobotlarda ham u aks ettirilmaydi.

Sugʻurta qilish, birgalikda sugʻurta qilish va qayta sugʻurta qilish хizmatlari boʻyicha sugʻurta bozorining professional ishtirokchilari tomonidan amalga oshiriladigan sugʻurta qilish boʻyicha хizmatlar natijasida sugʻurta qildiruvchi (naf oluvchi) quyidagilarni olsa, QQSdan ozod qilinadi :

• sugʻurta toʻlovi (sugʻurta tovoni);
• preventiv tadbirlar oʻtkazish uchun beriladigan mablagʻlar;
• sugʻurta qilish shartnomasi zararsiz amal qilishi uchun sugʻurtalovchi toʻlaydigan mablagʻlar;
• sugʻurta qilish shartnomasiga muvofiq boshqa mablagʻlar.

Buхgalteriya oʻtkazmalari:

1) daromad hisoblangan:

• Dt 4890 “Boshqa debitorlar qarzlari”
• Kt 9390 “Boshqa operatsion daromadlar”;

2) daromad olingan: 

• Dt 5110 “Hisob-kitob schyoti”;
• Kt 4890 “Boshqa debitorlar qarzlari”.