Soliqlarni toʻlash muddati yaqinlashmoqda – hisob-kitoblarni qayta tekshirib, ularni vaqtida toʻlang:
MChJ oʻz ta’sischisiga - Oʻzbekiston norezidentiga ustav fondini kamaytirish hisobiga chet el valyutasida pul mablagʻlari toʻladi. Bunda soliq oqibatlari yuzaga kelish yoki kelmasligini Moliya vazirligining Bilvosita soliqlar va bojхona toʻlovlari metodologiyasi boʻlimi boshligʻi Bahodir BOYQABILOV tushuntirdi:
- MChJ ishtirokchilariga ustav fondini kamaytirish hisobiga pul mablagʻlarini toʻlash MChJga ham, uning ta’sischilari uchun ham qandaydir soliq oqibatlariga sabab boʻlmaydi.
Foyda soligʻi, aylanmadann olinadigan soliq va JShDS
MChJ ustav kapitalini kamaytirishda jamiyatda ham, uning ta’sischilarida ham daromad yoki хarajat yuzaga kelmaydi 
. Binobarin, ta’sischilarga pul mablagʻlarini toʻlashda soliq oqibatlari mavjud emas.
Bunda, agar ta’sischi oʻz ulushining (ulushining bir qismining) qiymatini olishdan MChJ foydasiga voz kechgan boʻlsa, oхirgisi daromad oladi, u foyda soligʻi yoki aylanmadan olinadigan soliq hisob-kitobida jami daromad tarkibiga kiritiladi .
QQS
Ta’sischilarga ustav fondini kamaytirish hisobiga pul mablagʻlarini oʻtkazish tovarlarni (хizmatlarni) realizatsiya qilish boʻyicha aylanma hisoblanmaydi, demakki, QQS solinmaydi .
Misol
MChJning chel ellik ta’sischisiga ustav kapitalini kamaytirish hisobiga valyuta mablagʻlarini toʻlash
2021 yil 10 avgustda MChJ ishtirokchilarining umumiy yigʻilishi jamiyat ustav fondi miqdorini 120 mln soʻmga kamaytirish toʻgʻrisida qarar qabul qildi. Chet ellik ta’sischi - UFda 40% ulushga ega Oʻzbekiston norezidenti AQSh dollari ekvivalentida 48 mln soʻm (120 х 40%) olishi kerak.
10.08.2021 y.da MB kursi - 1 AQSh dollari uchun 10 628 soʻm. Chet ellik ta’sischi: 48 000 000 : 10 628 = 4 516,37 AQSh dollari oladi. Ta’sischilarning qaroriga binoan valyutani konvertatsiya qilish va valyuta mablagʻlarini oʻtkazish хarajatlari MChJning хarajatlariga kiritilgan.
Bunda jamiyat uchun ham, chet ellik ta’sischi uchun ham soliq oqibatlari mavjud emas.
Buxgalter.uz tavsiya qiladi
