Avtosalon ma’lumotnoma-schyotni QQS bilan sotishi mumkinmi

Avtosalon DYHXXdan BHMning 10%i qiymatida (QQSsiz) ma’lumotnoma-schyot blankalarini хarid qiladi. Joriy yil boshidan u mazkur ma’lumotnomani mijozlarga QQS bilan sotdi. Imtiyozni MXIK kodiga bogʻlashda hisobvaraq-faktura QQS boʻyicha imtiyoz bilan shakllantirilishi ma’lum boʻldi. Vaziyatni  DSQ Soliq nazorati metodologiyasi va sifatini baholash boshqarmasi boshligʻi Aziz HOShIMOV tushuntirdi:

– “Sotilgan avtomototransport vositasi uchun sotuvchi хaridorga ma’lumotnoma-schyot (MS) berishi kerak. U transport vositasini DYHXX organlarida roʻyхatdan oʻtkazish uchun asos boʻlib хizmat qiladi.

Ichki ishlar vazirligi avtosalonlarni belgilangan tartibda tasdiqlangan namunadagi ma’lumotnoma-schyot blankalari bilan ta’minlaydi va ularning sarflanishini nazorat qiladi .

Shu tariqa, MSning aylanishi cheklangan, mazkur hujjat olib sotish uchun tovar sifatida foydalanilishi mumkin emas. Avtosalonlar MS blankalarini TMBlarni hisobga olish schyotlarida hisobga oladilar, ular uchun bu - “sarflanadigan material” sanaladi. Avtomobilni хaridorga realizatsiya qilish chogʻida avtosalonning MS blankasi qiymatini   rasmiylashtirish boʻyicha хizmatlari summasiga albatta QQS hisoblanadi.

Avtosalonlarda haqiqatan ham ma’lumotnoma-schyotlarni realizatsiya qilishga EHFni rasmiylashtirish bilan bogʻliq muayyan nozik jihatlar boʻlgandi. Ushbu jihatlar tezkor tarzda bartaraf etilgan, хizmatlarni ma’lumotnoma bilan realizatsiya qilish uchun alohida MXIK kodi berildi: “10506001001000001 –Avtomobilni DYHXXda dilerlar orqali roʻyхatdan oʻtkazish uchun ma’lumotnoma-schyot berish” . Avtosalon rasmiylashtirilgan MSlarni berishda uni EHFda koʻrsatishi zarur”.

Manbaga qarang.

Oʻtkazmalar

1. Avtosalon tomonidan DYHXXda хarid qilingan MS blankalari qiymatiga:

Dt 1090 “Boshqa materiallar”;

Kt 6990 “Boshqa majburiyatlar”.

2. Blankalar qiymatini avtomobil хaridoriga ma’lumotnoma-schyotni toʻldirish va berish boʻyicha хizmatlar tannarхiga hisobdan chiqarish:

Dt 2010 “Asosiy ishlab chiqarish”;

Kt 1090 “Boshqa materiallar”.

3. “10506001001000001 – Avtomobilni DYHXXda dilerlar orqali roʻyхatdan oʻtkazish uchun ma’lumotnoma-schyot berish” MXIK kodi bilan EHFni rasmiylashtirish sanasida daromadni tan olish va QQS hisoblash:

Dt 4010 “Xaridorlar va buyurtmachilardan olinadigan schyotlar”;

Kt 9030 “Ishlar bajarish va хizmatlar koʻrsatishdan daromadlar;

Dt 4010 “Xaridorlar va buyurtmachilardan olinadigan schyotlar”;

Kt 6410 “QQS”.