Sobiq xodimlarga koʻrsatilgan moddiy yordam soliqqa tortiladimi

2021 yil 22 dekabr

Korxona jamoa shartnomasi asosida oʻzining sobiq xodimlari - pensionerlarga pul va sovgʻalar shaklida moddiy yordam koʻrsatadi. Ushbu toʻlovlardan JShDS va ijtimoiy soliq toʻlanadimi? Buni Moliya vazirligi Soliq-bojxona siyosati va daromadlarni prognozlashtirish departamenti direktorining birinchi oʻrinbosari Umid HAMROYeV buxgalter.uz uchun maxsus tushuntirdi:

– “Sobiq ish beruvchidan ishlamayotgan pensionerlar va mehnat qobiliyatini yoʻqotgan shaxslar tomonidan olingan sovgʻalar hamda boshqa turdagi yordamga soliq davri - kalendar yil mobaynida MHEKMning 2,11 baravari doirasida JShDS solinmaydi .

Agar sovgʻalar qiymati va (yoki) moddiy yordam summasining jami kalendar yil mobaynida MHEKMning 2,11 baravaridan oshsa, oshgan summadan JShDS hisoblab chiqaring, uni jismoniy shaxsdan ushlab qoling va byudjetga toʻlang (korxona - soliq agenti) .

Ishlamaydigan pensionerlarga ajratilgan bunday toʻlovlar:

jismoniy shaxslarning boshqa daromadlariga kiradi ;
ijtimoiy soliq solinmaydi, sababi mehnatga haq toʻlash tarzidagi daromadlar tarkibiga kiritilmaydi ”.

Buxgalter.uz tavsiya qiladi

Nazorat qilinadigan bitimlar toʻgʻrisidagi xabarnomani qanday toʻldirish kerak

Soliq organidan nazorat qilinadigan bitimlar toʻgʻrisida xabarnoma taqdim etish talabini oldingizmi? Nimadan boshlashni, qaysi varaqlarni toʻldirishni va qaysi kodlarni koʻrsatishni bilmayapsizmi?

Buxgalter Pro saytida batafsil yoʻriqnoma bor. Unda quyidagilarni topasiz:
– har bir ustunga tushuntirishlar;
– toʻldirishga 5 ta misol, shu jumladan IT-Park rezidenti bilan tuzilgan bitim va oʻzaro bogʻliq norezidentdan olingan qarz boʻyicha;
– xabarnomani toʻldirishda tez-tez uchraydigan xatolar.

Alohida boʻlim – SIdan foydalanish haqida: qanday hujjatlarni yuklash, qanday topshiriq berish va natijani qanday tekshirish mavzusiga bagʻishlangan. Tayyor prompt ilova qilingan.

YOʻRIQNOMA OLISh > > >