Toʻlov ilovalari va marketpleyslar cheklariga nisbatan talablar yangilandi

1 fevraldan boshlab elektron savdo maydonchalari orqali tovarlar sotilganda hamda toʻlov tizimlari orqali хizmatlar uchun haq toʻlanganda shakllantiriladigan elektron cheklarda fiskal belgilar aks ettirilishi lozim .

Mazkur norma 2021 yil 1 dekabrdan joriy qilinishi rejalashtirilgan edi  biroq teхnik shart-sharoitlarni yaratish uchun ancha vaqt kerak boʻldi.

PQ-73-son qarorda quyidagi aniqlashtirish berilgan: fiskal belgi qoʻyilishi talabi «P2P» tranzaksiyalari va kredit toʻlovlari cheklariga taalluqli emas. 

Fiskal belgi onlayn-NKM chekining majburiy rekviziti boʻlib, uni soliq solishda avtomatik rejimda hisobga qabul qilinadigan noyob hujjatga aylantiradi.  Elektron chekdagi fiskal belgi tufayli tadbirkorlik sub’yektlari tomonidan mobil ilovalar yordamida hisob-kitob amalga oshirilganda bir tomonlama hisobvaraq-faktura taqdim etilishi yoki har bir tranzaksiyaga onlayn-NKM cheki urib berilishi shart boʻlmaydi.

Shuningdek elektron tranzaksiyalar cheklariga onlayn-NKM cheklari uchun majburiy boʻlgan boshqa rekvizitlar, jumladan QR-kod kiritilishi masalasi koʻrib chiqilmoqda. Foydalanuvchi uni skanerlab olib, fiskal ma’lumotlar operatorining serverida saqlanadigan cheklarning elektron versiyasidan foydalanish imkoniyatiga ega boʻladi.

Oleg GAYeVOY.