8 Martga bayram tadbirini minimal soliq oqibatlari bilan uyushtirish

Koʻplab korxonalar 8 Martga bayram tadbirlarini tashkil etishadi. Buxgalter.uz tadbirlarni qanday qilib toʻgʻri rasmiylashtirish va bunda qanday soliq oqibatlari yuzaga kelishini tushuntiradi.

– Birinchi navbatda rahbar bayram tadbirini uyushtirish toʻgʻrisida buyruq chiqaradi va bayramni uyushtirish (joyni izlab topish, sovgʻalar, gullarni sotib olish va h.k.) uchun javob beradigan mas’ul ijrochini tayinlaydi.

Barchasining haqi quyidagi tarzda toʻlanishi mumkin:

• pul oʻtkazish yoʻli bilan – bazm uyushtirish xizmatlarini koʻrsatish shartnomasiga asosan. Xarajatlar shartnoma, hisobvaraq-faktura, bank koʻchirmasi bilan tasdiqlanadi;
• korporativ plastik karta orqali. Terminal cheki, onlayn-NKT cheki qilingan sarf-xarajatlarni tasdiqlaydi.

Korxona xodimi – hisobdor moddiy javobgar shaxs:

1) xarajat qilganidan soʻng 10 kundan kechiktirmay KPK orqali xarajatlar boʻyicha hisobot berishi;

2) xarajatlarni tasdiqlovchi barcha hujjatlarni hisobotga ilova qilishi kerak :

• terminal cheklari;
• banket uchun mahsulotlarni xarid qilish dalolatnomalari;
• bayram tadbirini (banketni) oʻtkazish uchun shartnomalar, hisobvaraq-fakturalar va banketda koʻrsatilgan xizmatlar toʻgʻrisidagi dalolatnomalar.

Korxona uchun soliq oqibatlari

Mahsulot (ishlar, xizmatlar)ni ishlab chiqarish va sotish xarajatlari tarkibi hamda moliyaviy natijalarni shakllantirish tartibi toʻgʻrisidagi nizomga (schyot 9430)  ( «Salomatlikni muhofaza qilish va xodimlarning ishlab chiqarish jarayonida bevosita qatnashuvi bilan bogʻliq boʻlmagan dam olishlarni tashkil etish tadbirlari»ning 2.3.6-b.) muvofiq  bayram uchun toʻlanadigan haqni xarajatlar sifatida malakalaydi.

Foyda soligʻi boʻyicha SK 317-moddasi 13-bandiga muvofiq bunday xarajatlar soliq solinadigan foydani aniqlash chogʻida chegirilmaydi.

Kafe (restoran) xizmatlari va mahsulotlar qiymatida toʻlangan QQS hisobga olinmaydi .

Aylanmadan olinadigan soliqni toʻlovchilar uchun ushbu operatsiya soliq oqibatlariga olib kelmaydi.

Xodimlar uchun soliq oqibatlari

Yuridik shaxsning bayram tantanalarini oʻtkazish xarajatlari xodimlarning jami daromadiga kiritilmaydi, sababi muayyan shaxslarning daromadlari hisoblanmaydi .

 Sovgʻalar va gullar shartnomaga koʻra bayram tadbirini uyushtirishga kirsa, masalan, gullar bilan bayram stollari bezatilsa, sovgʻalarni esa tanlov davomida taqdim etsangiz, uni jismoniy shaxslarning daromadlariga emas, balki dam olishni uyushtirish xarajatlariga kiritish mumkin. Sovgʻalar va gullar bayram tadbirini uyushtirishga kirmasa, balki har bir xodima uchun 8 Martga atab alohida sotib olingan va berilgan (taqdim etilgan) boʻlsa, ularni qanday hisobga olish lozimligi, bu qanday soliq oqibatlariga olib kelishi haqida quyidagi tavsiyada batafsil soʻz yuritganmiz:

• Korporativ sovgʻalar qanday hisobga olinadi.

Buxgalteriya provodkalari: