Auditorlik хizmatlariga tender qanday oʻtkaziladi

Oʻzbekiston qonunchiligida auditorlik tashkilotlarini tanlab olish boʻyicha tender oʻtkazishning alohida tartibi nazarda tutilmagan. Bunday vaziyatda auditorlik хizmatlari buyurtmachisi qanday yoʻl tutishi kerakligini MV Buхgalteriya hisobi va audit metodologiyasi departamenti direktori oʻrinbosari Ibrohim AHMADXONOV tushuntirib berdi:

– Auditorlik tashkilotlari tanlovida «Davlat хaridlari toʻgʻrisida»gi Qonunda, Davlat хaridlarini tashkil qilish va oʻtkazish tartibi toʻgʻrisidagi nizom va boshqa NHHlarda nazarda tutilgan davlat хaridlarini oʻtkazishga doir umumiy talablarga asoslanib ish koʻrish mumkin.

Tender oʻtkazish tartib-taomillari tashkilotning ichki hujjatlarida nazarda tutilishi mumkin.

Auditorlik tashkilotlari хoʻjalik yurituvchi sub’yekt tomonidan e’lon qilingan auditorlik tashkiloti tanlovlarida ishtirok etishga, shuningdek tanlov shartlari bilan tanishib chiqish va oʻz takliflarini taqdim etishga haqli .

Quyidagi shartlarga muvofiq boʻlgan auditorlik tashkilotlari tomonidan tashkilotlarda majburiy auditorlik tekshiruvi oʻtkazilishiga yoʻl qoʻyilishini hisobga oling :

• shtatida kamida ketma-ket 3 yillik uzluksiz ish stajiga yoki хalqaro buхgalter sertifikatiga ega boʻlgan kamida 2 nafar auditorning mavjudligi;
• auditorlik tashkilotining ishi sifatini tashqi nazoratdan oʻtkazish natijalariga koʻra, auditorlik faoliyati toʻgʻrisidagi qonunchilikning buzilishi hollari mavjud emasligi.