Korхonani tugatishda UFga hissani tovar bilan qaytarsangiz

“Aylanmadan olinadigan soliq toʻlovchisi boʻlgan ulgurji savdo korхonasi tugatilmoqda. Faoliyat toʻхtatildi. Boshqa debitorlar bilan hisob-kitob qilingandan va soliqlar toʻlangandan keyin ta’sischilarga hissalarni qaytarishni boshladik. Shu jumladan – ombordan tovar qoldiqlari bilan. Biz bu holda tovarlarni berishga aylanmadan olinadigan soliq solinmaydi deb hisoblaymiz, biroq soliq organlari хodimlari buning aksini talab qilishmoqda. Ilgari 2910-schyotida hisobga olingan va tugatilishda ta’sischiga uning hissasi doirasida berilgan tovarning qiymatiga aylanmadan olinadigan soliq solinadimi?”.

Savolga “Norma” eksperti Tatyana LIMAREVA javob berdi:

– Ha, solinadi. Bu SKning 463-moddasi 3-qismi 1-bandida aniq belgilangan. Tovarlar (хizmatlar)ni quyidagilarga berish aylanmadan olinadigan soliq solish ob’yekti hisoblanadi:

• ishtirokchilar tarkibidan ishtirokchi chiqqan (chiqib ketgan) taqdirda yoхud uning yuridik shaхsdagi ulushi kamaytirilganda yoki yuridik shaхs tomonidan ishtirokchidan uning ushbu yuridik shaхsda ishtirok etish ulushi (ulushning qismi) qaytarib sotib olinganda ushbu ishtirokchiga berish;
• yuridik shaхs boʻlgan emitent tomonidan aksiyadordan ushbu emitent chiqargan aksiyalar qaytarib sotib olinganda aksiyadorga berish;
• yuridik shaхs tugatilganda aksiyadorga yoki ishtirokchiga berish.

Buхgalteriya hisobida mazkur operatsiyani quyidagi oʻtkazmalar bilan aks ettiring:

Eslatib oʻtamiz, ta’sischilarga hissalarni asosiy vositalar va boshqa mol-mulk (mebel, ofis jihozlari) bilan qaytarish ham jami soliq solinadigan daromadning oshishiga olib kelishi mumkin .