ҚҚС тўлашга қандай ўтиш мумкин

Тавсияда:

– ҚҚС тўлашга мажбурий ўтиш:
       жами даромаднинг чегаравий қийматдан ошиб кетиши;
       импорт шартномасини тузиш;
       тугалланмаган объектлар ва фойдаланилмаган майдонларнинг мавжудлиги;
       марказлаштирилган манбалар ҳисобидан объектларни қуриш;
       алкоголли ичимликлар, шу жумладан пивонинг чакана савдоси;
       солиқ маслаҳатчилари ва аудиторлик ташкилотлари учун;
       нотижорат ташкилотлари учун;
– айланмадан олинадиган солиқдан ихтиёрий равишда ҚҚС ва фойда солиғини тўлашга ўтиш;
– ҚҚС тўлашга ўтишни расмийлаштириш.

Айланмадан олинадиган солиқ тўловчилар ҚҚС ва фойда солиғини тўлашга қуйидагича ўтадилар:

• мажбурий тартибда; 
• ихтиёрий тартибда.

Корхона қачон ҚҚС ва фойда солиғини тўлашга ўтишга мажбур 

 Корхона ҚҚС ва фойда солиғини тўлашга ўтиши шарт, агар:

• календарь йил давомида унинг жами даромади 1 млрд сўмдан ошса ;
• қурилиши тугалланмаган объектлар, шунингдек фойдаланилмаётган майдонларнинг мулкдори ҳисобланса ;
• марказлаштирилган манбалар ҳисобидан молиялаштириладиган объектларни қуриш учун шартномалар тузган бўлса (жорий ва капитал таъмирлашдан ташқари) ;
• биринчи марта товарлар импортига шартнома тузган бўлса ;

• янги ташкил этилган бўлиб, йил давомида ўртача кунлик жами даромади ҳақиқатда 2 739 726 сўмдан ошганда (1 млрд сўм : 365 кун) .

Агар корхона қуйидаги фаолият билан шуғулланишни бошлаган бўлса, ҚҚС ва фойда солиғини тўлашга ўтиши мажбурий ҳисобланади :

• алкоголли ичимликлар, шу жумладан пивонинг чакана савдоси;
• акцизости товарларни ишлаб чиқариш ёки акцизости хизматларни кўрсатиш;
• фойдали қазилмаларни қазиб олиш;
• бензин, дизель ёқилғиси ва газни реализация қилиш;
• лотереялар ташкил этиш.

Қишлоқ хўжалиги ишлаб чиқарувчилари бўлган корхоналар, агар уларнинг суғориладиган экин майдонлари 25 гектарга етган бўлса, ҚҚС ва фойда солиғини тўлашга ўтишга мажбур бўладилар .

Оддий шериклик шартномасини (қўшма фаолият тўғрисида) тузган ва ширкатнинг ишончли вакилига айланган корхона ушбу шартнома бўйича амалга оширадиган фаолияти учун ҚҚС ва фойда солиғини тўлашга ўтиши шарт .

Бозорлар ва савдо комплекслари давлат рўйхатидан ўтказилган санадан эътиборан қўшилган қиймат солиғи ва фойда солиғи тўловчиси ҳисобланади .

2022 йилдан бошлаб қуйидагилар айланмадан олинадиган солиқни танлаш ҳуқуқисиз ҚҚС ва фойда солиғини тўлайдилар