Oʻzbekistonda bino sotib olgan chet el fuqarosi qanday soliqlarni toʻlaydi

“Chet el jismoniy shaхsi Oʻzbekistonda bino sotib olishni rejalashtirmoqda. U qanday soliqlarni toʻlashi kerak boʻladi?”. 

“Norma” iltimosiga binoan savolga “Assistance In Tax” soliq maslahatchilari tashkiloti direktori Radmila KARIMOVA javob berdi:

– Jismoniy shaхslar, shu jumladan chet el fuqarolari jismoniy shaхslardan olinadigan mol-mulk soligʻi toʻlovchilari deb e’tirof etiladi .

Bunda jismoniy shaхslarning quyidagi mol-mulkiga soliq solinadi :

1) uy-joylar, kvartiralar, dala hovli imoratlari;

2) tadbirkorlik faoliyati va (yoki) daromad olish uchun moʻljallangan yashash uchun moʻljallanmagan koʻchmas mulk ob’yektlari;

3) qurilishi tugallanmagan yashash uchun moʻljallanmagan ob’yektlar.

Soliq bazasi – soliq solish ob’yektlarining kadastr qiymati, uni koʻchmas mulkni roʻyхatdan oʻtkazuvchi davlat organi aniqlaydi.

Bundan tashqari, qonun hujjatlarida belgilangan tartibda mulkka sotib olingan binolar ostidagi yer uchastkalariga SKning 434-moddasi 1-qismi 6-bandiga muvofiq yer soligʻi solinadi.

Agar keyinchalik chet el fuqarosi ushbu koʻchmas mulkni ijaraga bersa, JShDS boʻyicha majburiyatlar yuzaga keladi (jismoniy shaхsning mol-mulkni ijaraga berishdan olingan daromadi) .

Quyidagi tushuntirishlarda yanada koʻproq yoʻl-yoʻriqlarni topasiz:

• Chet el fuqarosining soliq maqomi qanday aniqlanadi;
• JShDSni kim toʻlashi kerak;
• 2023 yilda mol-mulk soligʻini qanday toʻlaymiz.

Saida JONIZOQOVA tayyorladi