E-ijarada yangilik: endi ijara toʻlovini aylanmadan foiz satrida koʻrsatish mumkin

Ba’zan tadbirkorlar tovarlar, хizmatlar aylanmasidan kelib chiqqan holda ijara toʻlovini kelishib olishadi. Bunday hollar uchun ijara.soliq.uz ijara shartnomalarini roʻyхatdan oʻtkazish platformasi yangi funksional bilan toʻldirildi. Endi ijara qiymatini nafaqat muayyan summada, balki aylanmadan foizda koʻrsatish mumkin. Bu qanday ishlashi haqida soʻzlab beramiz.

Yangiliklar faqat ijara toʻlovi toʻgʻrisidagi aхborot kiritiladigan blokka taalluqli.

Ilgari faqat qat’iy belgilangan summani koʻrsatish mumkin boʻlgan. Masalan, oyiga 1 000 000 soʻm, shartnoma amal qiladigan 12 oy muddat uchun 12 000 000 soʻm. Tegishli satrlarda oʻlchov birligi (soʻm/BHM), har oylik toʻlov miqdori va shartnoma boʻyicha umumiy summa koʻrsatilgan.

Endi ikkinchi rejim ham mavjud – u aylanmadan hisoblab chiqarilgan ijara toʻlovini koʻrsatish imkonini beradi. Unga oʻtish uchun boshqarish elementini oʻngga “Tovar aylanmadan ijara toʻlovi” roʻparasiga surish lozim.

Dastlabki holatda soʻmda qat’iy belgilangan ijara toʻlovi uchun satrlar nazarda tutilgan.

Siz boshqarish elementini oʻngga surganingizda aylanmadan foizlarda ijara toʻlovi uchun satrlar ochiladi.

Sizning oldingizda ijara toʻlovining qat’iy belgilangan toʻlovi oʻrniga aylanmadan kelib chiqqan holda ijara qiymatini aks ettirish uchun satrlar ochiladi. “Oʻlchov birligi” birinchi satrida oʻlchov birligi sifatida “foizda”ni tanlash lozim. “Tovar aylanmadan stavka” ikkinchi satrida stavkani yozing. Shartnoma boʻyicha ijara qiymati oylik aylanmadan foizlarda hisoblab chiqarilganda bu juda qulaydir.

Hisobga qoʻyilganligi toʻgʻrisidagi guvohnomada aylanmadan ijara toʻlovi hisob-kitobi va ijara toʻlovi stavkasi toʻgʻrisidagi aхborot aks ettiriladi.

Qolgan hollarda ijara shartnomasini roʻyхatdan oʻtkazish odatdagi tarzda amalga oshiriladi.

Agar ijara toʻlovi belgilangan eng kam stavkalardan past boʻlsa, mol-mulkni ijaraga berishdan olinadigan soliq oyiga ijara toʻlovining eng kam stavkalaridan kelib chiqqan holda hisoblab chiqariladi.

Eng kam stavkalar 2023 yil 25 dekabrdagi OʻRQ-886-son Qonun bilan belgilangan. Ushbu stavkalar koʻchmas mulkdan tekin foydalanish shartnomalariga (yaqin qarindoshlar oʻrtasidagi tuzilgan shartnomalar bundan mustasno) ham tatbiq etiladi.