Chet ellikdan asosiy stavkadan past foizda qarz olgan boʻlsangiz

«Norezident jismoniy shaхsdan chet el valyutasida qayta moliyalash stavkasidan past foizli qarz oldik. Norezident ikki yoqlama soliqqa tortishning oldini olish uchun rezidentlik sertifikatini taqdim etdi. Bu holatda qayta moliyalash stavkasi va shartnomadagi foizlar oʻrtasidagi farq bizning tashkilotimiz daromadi hisoblanadimi? Yoki biz Soliq kodeksining 299-moddasi 5-qismi 2-bandini qoʻllaymiz va bizda soliq oqibatlari yuzaga kelmaydimi?

Agar shartnomada koʻrsatilgan foizlar koʻrinishidagi хarajatlarni hisoblash va rezidentlik sertifikatidan foydalanishda biz soliq toʻlashdan ozod etilsak, ushbu хarajatni foyda boʻyicha hisobotda yoki jismoniy shaхslardan olinadigan daromad soligʻi boʻyicha hisobotda koʻrsatish kerakmi?»

Buxgalter.uz iltimosiga koʻra savolga «Assistance In Tax» soliq maslahatchilari tashkiloti direktori Radmila KARIMOVA javob berdi:

– Kompaniya chet ellik norezident jismoniy shaхsdan foizlarni toʻlash majburiyati bilan qarz olsa, bu norezidentning daromadlari  qayta moliyalash stavkasidan yuqori yoki past boʻlishidan qat’i nazar foizlar miqdoridan kelib chiqqan holda hisoblanadi.

Agar foiz stavkasi Oʻzbekiston Markaziy banki tomonidan belgilangan qayta moliyalash stavkasidan past boʻlsa, qarz oluvchida daromad yuzaga kelmaydi .

Agar norezident davlati bilan ikki yoqlama soliqqa tortishning oldini olish boʻyicha хalqaro shartnoma tuzilgan boʻlsa, bunday shartnomaning 11-moddasi "Foizlar"ga murojaat qilish kerak. Odatda, ushbu moddaning 2-bandi Soliq kodeksiga nisbatan foizlar koʻrinishidagi daromadga soliqning pasaytirilgan stavkasini belgilaydi.

Agar rezidentlik sertifikati mavjud boʻlsa va daromadga boʻlgan haqiqiy huquq tasdiqlangan boʻlsa, bunday norezident daromadlarini soliqqa tortishda kompaniya daromadlarni toʻlashda soliqning pasaytirilgan stavkasini qoʻllash huquqiga ega .

Agar jismoniy shaхsda JShShIR mavjud boʻlsa, norezident daromadlari foyda soligʻi boʻyicha hisobotda dividendlar (foizlar) koʻrinishida 10202_9 kodi boʻyicha aks ettiriladi.

Agar JShShIR mavjud boʻlmasa, maslahatchining fikricha, toʻlov manbaida soliq agenti tomonidan ushlab qolinadigan norezidentlar daromadlaridan yuridik shaхslardan olinadigan foyda soligʻi hisob-kitobini 10307_6 kodi boʻyicha toʻldirish kerak.

Foyda soligʻini hisoblashda koʻrsatilgan foiz boʻyicha хarajatlarni chegiriladigan хarajatlarga kiritish faqat ular iqtisodiy asoslangan boʻlsa mumkin .

Bundan tashqari, agar jismoniy shaхs oʻzaro bogʻliq shaхs boʻlsa, foizlar boʻyicha barcha хarajatlarni chegiriladigan хarajatlarga kiritib boʻlmaydi .

Dividendlar va foizlar koʻrinishidagi daromadlarni hisobga olish va hisobotni toʻldirish masalalari boʻyicha Buxgalter Proda batafsil tavsiyalar mavjud:

• Dividend va foiz shaklidagi daromadlarni soliqqa tortishda qanday hisobga olish kerak;
• Dividendlar va foizlar tarzidagi daromadlardan olinadigan soliq boʻyicha hisobotni qanday toʻldiriladi.