Aprel oyida foydali boʻladi:
Soliq organi audit davomida MChJning ustav fondiga ta’sischi tomonidan kiritilgan qoʻshimcha badal sifatidagi summaga foyda soligʻini hisoblagan. Soliqchilar buni ustav qayta roʻyхatdan oʻtkazilmagani bilan izohladilar. Bu vaziyatda soliq hisoblanishini nizolashish mumkin.
Soliqchilarni oʻz qarorini qayta koʻrib chiqishga qanday ishontirish mumkinligi haqida buxgalter.uz iltimosiga koʻra «ICONSULTANT» Soliq maslahatchilari tashkiloti direktori Irodaхon ABBOSXONOVA hikoya qildi:
Ekspertning muhim tushuntirishini oʻtkazib yubormaslik uchun bizning Telegram-kanalimizga obuna boʻling.
– Agar MChJ ishtirokchilarining umumiy yigʻilishi tomonidan belgilangan ustav fondini shakllantirish muddati hali tugamagan boʻlsa, yuqori turuvchi soliq organiga murojaat qilganda soliq hisoblash toʻgʻrisidagi qarorni bekor qilishga erishish mumkin. Tegishli arizani soliq hisoblash toʻgʻrisida qaror qabul qilgan soliq organi boʻlinmasi orqali topshirish kerak.
Oʻz pozitsiyangizni quyidagicha asoslang:
1. SKning 304-moddasiga koʻra, ustav fondiga badal sifatida olingan mablagʻlar daromad sifatida hisobga olinmaydi.
2. «Mas’uliyati cheklangan va qoʻshimcha mas’uliyatli jamiyatlar toʻgʻrisida»gi Qonunning 18-moddasiga muvofiq umumiy yigʻilish tomonidan ustav fondini shakllantirish uchun muddat belgilangan boʻlib, tekshiruv paytida bu muddat hali tugamagan.
Ushbu normalarni hisobga olgan holda, soliqchilar sizga qarshi borishlari mumkin. Bunday vaziyatlar sudlar tomonidan allaqachon soliq toʻlovchilar foydasiga hal qilinganligi haqida men Oʻzbekiston Respublikasi Oliy sudining Ma’muriy ishlar boʻyicha sudlov hay’atining 2024 yilning birinchi yarmi uchun sud amaliyoti sharhida oʻqiganman.
Ammo ish choʻzilib ketishi хavfi bor. Sharhda ma’muriy sudlarning quyi instansiyasi toʻliq soliqchilar tomonida boʻlgani aytilgan edi. Soliq organi qarorini qisman bekor qilish va ustav fondiga kiritilgan mablagʻlarga foyda soligʻi hisoblash qismida haqiqiy emas deb topish toʻgʻrisidagi yakuniy qaror esa sudning nazorat instansiyasi tomonidan qabul qilingan.
Nazorat instansiyasi quyi sud qarorini qisman bekor qilish toʻgʻrisida qaror qabul qilar ekan, oʻz qarorlarini yuqorida keltirilgan SKning 304-moddasi va «Mas’uliyati cheklangan va qoʻshimcha mas’uliyatli jamiyatlar toʻgʻrisida»gi Qonun normalari bilan asoslagan.
Buxgalter.uz tavsiya etadi:
Oleg GAYeVOY tayyorladi
