Yillik inventarizatsiya – 2026: tartib va hujjatlar
Kadrlar hujjatlarini yuritish jarayonida tashkilotlar koʻpincha Yagona milliy mehnat tizimiga (YaMMT) tuzatishlar kiritish zarurati bilan toʻqnashadilar. Xatolar texnik nosozlik yoki boshqa sabablar natijasida yuzaga kelishi mumkin. Lekin YaMMT direksiyasi endi foydalanuvchilarning ma’lumotlarni toʻgʻrilash masalalari boʻyicha murojaatlarini Telegram orqali qabul qilmaydi.
Buxgalter.uz bu holatda YaMMT bilan qanday toʻgʻri muloqot qilish kerakligini aniqlashtirdi:
Kerakli tushuntirishni oʻtkazib yubormaslik uchun Telegram-kanalimizga obuna boʻling.
Yagona milliy mehnat tizimi bilan ishlash uchun idoraning Elektron mehnat daftari guruhida xabar berilganidek, turli aloqa kanallari mavjud.
Bu:
- barcha tashkilotlar uchun elektron pochta: dev@bv.gov.uz;
- idoralararo hujjatlar aylanish tizimi (davlat tashkilotlari uchun): https://edo.ijro.uz/.
Bu platforma Oʻzbekiston davlat organlari va tashkilotlariga raqamli formatda hujjatlar aylanishini amalga oshirish, topshiriqlar va qarorlar ijrosini nazorat qilish, hujjatlar bilan elektron tarzda almashish imkonini beradi;
- himoyalangan elektron pochta tizimi (davlat tashkilotlari uchun): ymmt_idak_mehnat@exat.uz.
Mana murojaatlar yuzaga kelishi mumkin boʻlgan ba’zi masalalar:
1. Xodimning ikki marta roʻyxatga olinishi.
Agar xodim xato tarzda tizimda ikki marta roʻyxatga olingan boʻlsa:
1) tashkilot blankida rasmiy xat tayyorlang;
2) qaysi yozuvni oʻchirish kerakligini koʻrsating;
3) tegishli buyruqlar nusxalarini ilova qiling;
4) hujjatlarni mos aloqa kanali orqali yuboring.
2. my.mehnat.uz saytiga kirishni tiklash.
Agar kadrlar boʻyicha mutaxassisingiz tizimga kirishni yoʻqotgan boʻlsa, uni tashkilotdan soʻrov orqali tiklashi mumkin.
3. Oʻz vaqtida ma’lumot taqdim etmaslik.
Agar kadrlar operatsiyalarini rasmiylashtirish muddatlarini oʻtkazib yuborgan boʻlsangiz:
1) vaziyatning batafsil tushuntirishi bilan rasmiy xat tuzing;
2) tashkilotning STIR, xodimlarning STIR va JShShIRni koʻrsating;
3) tegishli buyruqlar nusxalarini ilova qiling;
4) sizga qayta aloqaga chiqish uchun aloqa ma’lumotlarini bering.
Yodda tutish muhim:
- Barcha xatlar 15 ish kuni ichida koʻrib chiqiladi.
- Qoʻshimcha tekshirishni talab qiladigan murakkab holatlar bir oygacha koʻrib chiqilishi mumkin.
- Hujjatlarni skanerlash (suratga olish emas) va PDF formatida yuborish kerak.
- edo.ijro.uz tizimi avtomatlashtirilgan tarzda ishlaydi, toʻgʻri yoʻnaltirilgan soʻrovlar kafolatlangan tarzda kerakli mutaxassisga yetib boradi.
Foydali boʻlishi mumkin boʻlgan havolalar va maslahatlar:
1. Tizimga kirish uchun – http://my.mehnat.uz/.
2. Yoʻriqnoma shaxsiy kabinetda – «Tizim boʻyicha yordam» katagida joylashgan:
3. Videodarslar shu yerda >>>
YaMMT tizimida quyidagi mavzular boʻyicha videoroliklar mavjud:
- Yagona milliy mehnat tizimiga qaysi sayt orqali kirish mumkin?
- Mehnat shartnomalarini roʻyxatga olish va elektron mehnat daftarchalarini yuritish uchun qayerga kirish kerak?
- Boʻlim yaratish.
- Kichik boʻlimni (boʻysunuvchi boʻlimni) qanday yaratish mumkin?
- Ish joyini qanday yaratish mumkin?
- Xodimni qanday rasmiylashtirish kerak?
- Xodimni boshqa ishga qanday oʻtkazish mumkin?
- Xodimning ta’tilini roʻyxatga olish va vaqtincha xodimni rasmiylashtirish.
- Ta’tilda hisobda turgan xodimni boshqa lavozimga oʻtkazish.
4. Telegramdagi guruh: https://t.me/+3s74Qw4BRNY5NGZi.
Yuliya TARShILOVA tayyorladi
