Ответы на ваши вопросы есть в Buxgalter Pro:
Давстатқўм сайтида “Танланма кузатув” бўлимида тасдиқланган жорий йилнинг III чораги учун танланма кузатув остига тушган кичик корхоналар ва микрофирмалар Рўйхати эълон қилинган.
Эслатиб ўтамиз, II чоракдан бошлаб кўрсатилган корхоналар янги 4-kb savolnoma шакли бўйича ва eStat 4.0. дастурининг янги версиясида кузатувдан ўтказилади.
Эътибор беринг
- 4-kb savolnoma кузатув шаклини 2021 йилнинг III чораги учун 2021 йил 15 октябрга қадар тақдим этиш зарур.
Қандай қилиб дастурга кириш ва шаклни тўлдириш мумкин
http://hisobot.stat.uz/ru/login/ ҳаволаси бўйича ЭРИси ёрдамида паролни кўрсатган ҳолда eStat 4.0. дастурига киринг. Сизнинг ташкилотингиз номи ва унинг реквизитлари - КТУТ, СТИР билан ойна очилади.
Ўзингизнинг ташкилотингиз номига босинг ва сиз “шахсий кабинет”га тушасиз.
“Шахсий кабинет”нинг ўнг қисмида тугмалар - сизнинг статистика ҳисоботларингизнинг “мақомлари” - “жўнатилганлар”, “рад этилганлар”, “қабул қилинганлар”, шунингдек статистика органларининг ваколатли вакилларининг хабарномалари акс эттирилади.
Кабинетнинг чап қисмида таклиф этилган рўйхатдан “Кичик бизнес ва тадбиркорлик” ҳаволасини танлаш зарур.
Кейин 4-kb savolnoma шаклини танланг ва “Жўнатиш” тугмасига босинг. Хавотирланманг, сизда шакл дарҳол жўнатилмайди, у шунчаки тўлдириш учун очилади.
Шаклнинг барча зарур бўлимларини кўрсаткичлар (статистика ҳисоботининг юқори панели) билан тўлдиргач, “Жўнатиш” тугмасига босинг.
Эътибор беринг
4-kb savolnoma шаклининг ҳар бир бўлими бўйича мантиқий назорат - кўрсаткичларни тўғри тўлдириш формуласи билан текшириш назарда тутилган . Шакл бўлимлари учун “Сақлаш” тугмаси назарда тутилган. Унга босишни унутманг, акс ҳолда сизнинг бўлимлар бўйича тўлдирилган кўрсаткичларингиз сақланмайди ва қайтадан тўлдиришга тўғри келади.
Шунингдек, тўлдиришда ёрдамлар - шакл бўлимларининг жадвал қисми остидаги 4-kb savolnoma шаклининг у ёки бошқа бўлимида айнан қайси кўрсаткичларни акс эттириш зарурлиги тўғрисида изоҳларга эътибор беринг.
Ҳисоботнинг тўлдирилган шаклини 4-kb savolnoma шаклининг “Якуний қисми”да тегишли тугмага босган ҳолда Excel га юклаш мумкин.
“Шахсий кабинет”дан чиқиш учун унинг чап қисми юқорисида ўзингизнинг ташкилотингиз номига босинг ва кейин “Чиқиш” тугмасига босинг.
4-kb savolnoma шаклини тўлдириш масалалари бўйича (71) 202 -81-07, (71) 202 -81-08 телефон рақамлари орқали мурожаат қилиш мумкин.
eStat 4.0. дастури ишида техник масалалар бўйича (71) 202- 81- 45 телефон рақами орқали мурожаат қилиш мумкин.
Сизга муваффақиятлар тилаймиз, ҳурматли бухгалтерлар!
Татьяна ЛИМАРЕВА
