I бўлим. 8-§. Капитал қўйилмаларни ҳисобга олиш счётлари 0800

67. Корхонанинг асосий воситалар ва номоддий активларга инвестициялари, шунингдек маҳсулдор ва ишчи ҳайвонларнинг (қийматидан қатъи назар, корхонанинг айланма маблағларига кирувчи паррандалар, мўйнали ҳайвонлар, қуёнлар, асаларилар, қўриқловчи итлар, тажриба учун мўлжалланган ҳайвонлардан ташқари) асосий подасини ташкил қилиш харажатлари тўғрисидаги маълумотлар қуйидаги счётларда умумлаштирилади:

0810 «Тугалланмаган қурилиш»;

0820 «Асосий воситаларни харид қилиш»;

0830 «Номоддий активларни харид қилиш»;

0840 «Асосий подани ташкил қилиш»;

0850 «Ерни ободонлаштиришга капитал қўйилмалар»;

0860 «Молиявий ижара шартномаси бўйича олинган асосий воситаларни ободонлаштиришга капитал қўйилмалар»;