Инвестиция кўчмас мулки

Ушбу мавзуда инвестиция кўчмас мулкига нисбатан МҲХС талаблари билан танишиб ўтамиз. Хусусан:

• Инвестиция кўчмас мулки сифатида таснифлаш.
• Дастлабки тан олиш ва баҳолаш.
• Кейинги баҳолаш.
• Бир синфдан бошқасига ўтказиш.
• Тан олишни бекор қилиш.
• Маълумотларни ёритиб бериш.

Инвестиция кўчмас мулки таърифига жавоб берадиган объектларни тан олиш, баҳолаш ва унга доир маълумотларни ёритиб бериш 40-сон БҲХС “Инвестиция кўчмас мулки” стандарти билан тартибга солинади. Ушбу стандарт фаолият туридан қатъий назар инвестиция кўчмас мулкига эга ҳар қандай ташкилотга нисбатан қўлланади.

Инвестиция кўчмас мулки – бу ижара тўловларини олиш ёки капитал қийматининг ошиши ёки ҳар икки мақсад учун мўлжалланган ер ёки бинодан иборат кўчмас мулкдир.  Ишлаб чиқариш, товарлар етказиб бериш, хизматлар кўрсатишда ёки маъмурий мақсадларда фойдаланиладиган бино ёки ер инвестиция кўчмас мулки ҳисобланмайди ва 16-сон БҲХС “Асосий воситалар” билан тартибга солинади. Одатдаги фаолият доирасида сотиш учун мўлжалланган кўчмас мулклар 2-сон БҲХС “Захиралар” билан тартибга солинади. Сотиш учун мўлжалланган актив таърифи ва тан олиш талабларига жавоб берадиган инвестиция кўчмас мулки 5-сон МҲХС орқали ҳисобга олинади.

 4-сон БҲХС қуйидагиларга нисбатан қўлланмайди: 

• қишлоқ хўжалиги фаолияти билан боғлиқ биологик активлар (41-сон БҲХС ва 16-сон БҲХС);
  ва
• нефть, табиий газ ва шунга ўхшаш қайта тикланмайдиган ресурслар каби фойдали қазилмалардан фойдаланиш ҳуқуқлари ва фойдали қазилмаларнинг захиралари.

Ижара шартномаси асосида олинган инвестиция кўчмас мулки дастлабки тан олишда...