Қарзлар бўйича сарфлар

3.4.1 Асосий тамойил

Квалификацияланадиган  активни харид қилишга, қуришга ёки ишлаб чиқаришга бевосита тегишли бўлган қарзлар бўйича сарфлар (кейинги ўринларда “қарзлар бўйича сарфлар”) ушбу активнинг бошланғич қийматига киритилади.  Бошқа қарзлар бўйича сарфлар юзага келган даврда харажат сифатида тан олинади.

Ташкилот қуйидагиларни харид қилишга, қуришга ёки ишлаб чиқаришга бевосита тегишли бўлган қарзлар бўйича сарфларга нисбатан қўллаши талаб этилмайди:          

• ҳаққоний қиймат бўйича баҳоланадиган квалификацияланадиган актив, масалан 41-сон БҲХС “Қишлоқ хўжалиги”нинг қўллаш доирасидаги биологик актив ёки ҳаққоний қиймат модели бўйича баҳоланадиган инвестиция кўчмас мулки;
• такрорий асосда кўп миқдорда ишлаб чиқариладиган ёки бошқа ҳолларда барпо этиладиган захиралар.

 3.4.2 Квалификацияланадиган актив

Квалификацияланадиган актив деганда белгиланган мақсадда фойдаланишга ёки сотишга тайёрлаш учун рад этиб бўлмас даражада аҳамиятли вақт талаб қиладиган актив тушунилади.  Мисол тариқасида қурилиш ёки такомиллаштиришга оид йирик лойиҳаларни келтириш мумкин.