Бухгалтерия ҳисоби ва солиқ солиш мақсадлари учун курс фарқлари ўртасидаги тафовут нимаси билан фарқ қилади

Тавсияда:

– солиқ солиш мақсадида курс фарқларини тан олиш қоидалари;
– солиқ солиш мақсадида курс фарқини қандай аниқлаш мумкин;
– солиқ солиш мақсадлари билан БҲМС бўйича валюта курси  фарқларини ҳисобга олиш ўртасида қандай фарқ мавжуд;
– МХҲС билан солиққа тортиш мақсадларида ҳисобга олинган курс фарқларини солиштириш;
– чет эл валютасини сотиб олиш (сотиш) курсининг Марказий банк курсидан четланишини қандай изоҳлаш мумкин. 

Солиқ солиш мақсадида курс фарқларини тан олиш қоидалари

Фойда солиғи мақсадлари учун тан олинадиган курс фарқлари:

• ижобийлари – даромад сифатида;
• салбийлари – харажат сифатида.

Айланмадан олинадиган солиқ мақсадлари учун жами даромадга валюта бўйича ижобий ва салбий курс фарқлари ўртасидаги фарқ киритилади. Агар салбий курс фарқи ижобий курс фарқидан ошса, улар орасида юзага келадиган фарқ «–» белгиси билан шаклланади. Бундай ҳолатда у айланмадан олинадиган солиқ базасини камайтирмайди .

Солиқ солиш мақсадларида курс фарқларини аниқлаш тартиби Солиқ кодексининг 320-моддасида белгиланган.

2022 йилгача солиқ солиш мақсадларида курс фарқларини ҳисобга олиш бухгалтерия ҳисоби тўғрисидаги қонун ҳужжатларига мувофиқ амалга оширилиб келинган. 2022 йилдан бошлаб 320-модданинг мазмуни ўзгарди. Ўзгаришларни батафсил кўриб чиқамиз.

Солиқ солиш мақсадларида курс фарқини қандай аниқлаш мумкин

Фойда солиғи ёки айланмадан олинадиган солиқни ҳисоблашда ижобий (салбий) курс фарқи валюта қимматликларини (хорижий валютадаги қимматли қоғозлар бундан мустасно) қўшимча баҳолаш (арзонлаштириш) натижасида келиб чиқадиган, қиймати чет эл валютасида ифодаланган талаблар ва мажбуриятлар курс фарқи сифатида тан...